„ეკა ბესელიას დღის წესრიგშია, რომ არა საქმით და საქმეზე იყოს ორიენტირებული, არამედ პოლიტიკურ პროცესებში იტივტივოს, შესაბამისად, მე მასზე განცხადებების გაკეთებას აღარ ვაპირებ“, - ამის შესახებ საპარლამენტო უმრავლესობის წევრმა ვანო ზარდიაშვილმა ჟურნალისტებს განუცხადა.

როგორც დეპუტატმა აღნიშნა, საქმიანი გარემო ჭორაობაზე გადავიდა, საზოგადოებას კი, ამისთვის დრო არ აქვს.

 „ქვეყანაში პოზიტიური ფონი არ არის და არ ვაპირებ, ეკა ბესელიას დღის წესრიგს ავყვე და საზოგადება კიდევ უფრო გადავღალო მასზე სერიებით. ეკა ბესელიასთვის პასუხის გაცემა არარელევანტურია და დამატებით კომენტარებს აღარ საჭიროებს. რაც შეეხება ფარულ ჩანაწერებს, ეს არის ამორალური ქმედება. ეს ჩვენი გუნდისთვის მიუღებელია, შინაგან საქმეთა სამინისტროს კიდევ ერთხელ მოვუწოდებ, რაც შეიძლება, მალე გამოიძიონ და საზოგადოებას კითხვებს პასუხები გაეცეს. ბესელიას მიზანს წარმოადგენს, რომ დღის წესრიგში ყოველდღე იყოს, თუმცა ქვეყანაში სხვა უამრავი საკითხია. ათობით კანონპროექტს ვიხილავთ, რაც საზოგადოებისთვის მნიშვნელოვანია, შესაბამისად, ბესელიაზე პასუხების გაცემას აღარ ვაპირებ, რადგან შემდგომი ორი წელი მუდმივად იქნება მსგავსი პროვოკაციები. საქმიანი გარემო ჭორაობაზე გადავიდა, საზოგადოებას კი, ამისთვის დრო არ აქვს. საზოგადოებას ამ პროცესის ყურებისთვის ბოდიშს ვუხდი“, – განაცხადა ვანო ზარდიაშვილმა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა