პრემიერ-მინისტრი მამუკა ბახტაძე სახელმწიფო უსაფრთხოების სამსახურის მიერ მომზადებულ 2018 წლის შემაჯამებელ ანგარიშს გამოეხმაურა. 

ბახტაძემ ანგარიში დადებითად შეაფასა და აღნიშნა, რომ ის ინფორმატიული იყო. პრემიერმა სუს-ის ყველა თანამშრომელს გაწეული მუშაობისთვის მადლობა გადაუხადა. 

"ანგარიში არის ძალიან მაღალ პროფესიულ დონეზე მომზადებული, არის ინფორმატიული, სადაც ხაზგასმულია და აქცენტები სწორედ არის დასმული იმ გამოწვევებზე, რომელიც დგას საქართველოს წინაშე, ამავე დროს, იმ პრევენციულ მექანიზმებზე, რომელიც შეიქმნა სუს-ში. მე ვფიქრობ, რომ ის სამოქმედო გეგმა, რომელიც აქვს სუს-ს, ის ადეკვატურად პასუხობს ქვეყნის წინაშე არსებულ გამოწვევებს. ნახსენებია ანტიტერორისტული ღონისძიებები და პრევენციები. მე ჩვენს ოპონენტებს ვურჩევდი, წაიკითხონ ჩვენი პარტნიორების შეფასებები, როგორ აქტიურად არის ჩართული ჩვენი სამსახურები, ამ შემთხვევაში სუს-ი და როგორ ეფექტურად მოქმედებენ ისინი ჩვენს მეგობრებთან ერთად. ეს იქნება ადეკვატური რეაქცია თუ ვინმეს მართლა უნდა გაერკვეს რეალობაში. პოლიტიკური შეფასება საქართველოში, უკვე სამწუხაროდ იქცა ერთგვარ სტანდარტად, რომ აუცილებლად უნდა იყოს სუბიექტური. არსებობს საკითხები, რომელზეც არსებობს ძალიან სერიოზული კვლევები ჩატარებული, შეფასებები ჩვენი სტრატეგიული პარტნიორების მიერ. სურათი არის ძალიან ნათელი. აქვე მინდა ვისარგებლო შემთხვევით და სუს-ის ყველა თანამშრომელს ვუთხრა მადლობა 24-საათიანი შრომისთვის, რასაც ყოველდღიურ რეჟიმში ახორციელებენ. საქართველოს წინაშე არის უამრავი გამოწვევა, დარწმუნებული ვარ, სწორი სამოქმედო გეგმით და ერთსულოვნებით ყველაფერს გავუმკვლავდებით", - განაცხადა მამუკა ბახტაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა