პარლამენტში დღეს, სახალხო დამცველის მიერ 2018 წელს, სახელმწიფო უწყებების მიმართ გაცემული რეკომენდაციები განიხილეს.

ნინო ლომჯარიას განცხადებით, პოზიტიურად აფასებს უწყებების გადადგმულ ნაბიჯებს და რეკომენდაციების შესრულების ნაწილში განსაკუთრებით აღსანიშნავია შინაგან საქმეთა სამინისტროს საქმიანობა, რომელთანაც მთელი წლის განმავლობაში ინტენსიურად თანამშრომლობდა. ნინო ლომჯარიას თქმით, ეს არის პროგრესი და შესაბამისად, სხვა უწყებებთანაც იგივე სტილით მუშაობას  გეგმავს.

„235 რეკომენდაცია მოხვდა პარლამენტის დადგენილებაში. ეს იყო იმაზე მეტი, ვიდრე წინა წლების განმავლობაში. საერთო ჯამში, ჩვენ გვაქვს ნამდვილად პოზიტიური ტენდენცია გაზიარებული რეკომენდაციების თვალსაზრისით და დღესაც იმედს ვიტოვებთ, რომ პარლამენტი გამოთქვამს ძალიან მტკიცე მხარდაჭერას, რომ ასეთი განხილვები აღარ დარჩეს ფორმალობად. მინდა ნამდვილად პოზიტიურად შევაფასო იმ უწყებების მიერ გადადგმული ნაბიჯები, რომელთა შედეგებსაც დღეს განვიხილავთ.

პირველ რიგში,  შინაგან საქმეთა სამინისტროს მიერ განხორციელებული საქმიანობა ნამდვილად აღსანიშნავია. ამას ალბათ ხელი შეუწყო იმანაც, რომ ჩვენ მთელი წლის განმავლობაში, ორმხრივად ძალიან აქტიურად ვმუშაობდით გაცემული რეკომენდაციების შესრულების მდგომარეობაზე. გვქონდა არაერთი შეხვედრა, სადაც განვიხილავდით ამ რეკომენდაციებს და ასევე, ვცვლიდით ინფორმაციებს და პოზიციებს. შარშან ვთქვი, რომ ჩვენ ვაპირებთ უფრო აქტიურად ვითანამშრომლოთ უშუალოდ იმ უწყებებთან ვისაც მიემართება ეს რეკომენდაციები, რომ მხოლოდ პარლამენტის ფორმატში არ ხდებოდეს ასეთი ტიპის დისკუსიები და რეალურად შინაგან საქმეთა სამინისტროსთან ამან იმუშავა და ჩვენ გვაქვს ნამდვილად პროგრესი. ჩვენ ვაპირებთ, რომ იგივე სტილით ვიმუშაოთ ასევე იმ უწყებებთან, რომლებსაც ყველაზე მეტი რეკომენდაციები მიემართებათ ტრადიციულად,  ჩვენი მხრიდან, ეს არის იუსტიციის სამინისტრო როგორ პენიტენციალური სისტემის მიმართულებით პასუხისმგებელი პირი, ეს არის ჯანდაცვის სამინისტრო და ა.შ.

ჩვენ მზად ვართ, აქ არიან წარმომადგენლები და იმედია წელს მათთანაც იქნება მსგავსი ტიპის თანამშრომლობა“, - განაცხადა ნინო ლომჯარიამ.

(ns)

ავტორი: ექსპრესნიუსი,

სოციალური ქსელები

უკრაინამ კრასნოდარის მხარეში ბენზინგასამართი სადგურების მომარაგების საწყობი დაბომბა

კინოდაჯილდოება „ელისო“ 2026-ის გამარჯვებულები ცნობილია

საქართველოს ბანკის მხარდაჭერით, ქართული ღვინის ექსპორტის შესახებ ვორკშოპი გაიმართა

არ გამოგრჩეთ „გორგილაძის აუტანელი სიმსუბუქის“ ახალი ეპიზოდი 16 ივნისს YouTube-ზე - პროექტის მხარდამჭერია საქართველოს ბანკი