სახალხო დამცველი ნინო ლომჯარია ინტერნეტსივრცეში დეპუტატ ეკა ბესელიას პირადი ცხოვრების ამსახველი კადრების გავრცელებას გამოეხმაურა.

ლომჯარიამ ჟურნალისტებთან საუბრისას აღნიშნა, რომ საგამოძიებო ორგანოებთან პასუხგაუცემელი შეკითხვები არსებობს, კერძოდ კი, თუ ვინ დგას კადრების გავრცელების უკან. 

ომბუდსმენის თქმით, როდესაც მთავარი პროკურორი საკანონმდებლო ორგანოში მოხსენებით წარდგება, მას არსებულ შეკითხვებზე პასუხის გაცემა მოუწევს. 

„იმ დროს, როდესაც სახელმწიფო არის უძლური დაადგინოს, ვინ დგას ამ კადრების, შანტაჟის უკან, საზოგადოებამ უფრო მეტი პასუხისმგებლობა უნდა გამოვიჩინოთ. ჩვენ ყველაფერი უნდა გავაკეთოთ იმისთვის, რომ ხელი არ შევუწყოთ იმ ადამიანებს, ჯგუფებს, ვინც კადრების გავრცელების უკან დგას, რომ კადრები გავრცელდეს და ადამიანები ყავდეთ ტერორში. პროკურატურასთან დღესაც გვაქვს კითხვები იმ საქმეებზე, რომელიც წლების წინ გავრცელებულ კადრებს ეხება. დღემდე დაუდგენელია, თუ ვინ იყო ამ კადრების გავრცელების ინიციატორი. მთავარ პროკურორს უნდა მოვთხოვოთ, რომ როცა პარლამენტის წინაშე მოხსენებით წარსდგება, დეტალური ინფორმაცია მოგვაწოდოს რა ეტაპზეა საქმის გამოძიება და რა უშლის ხელს იმას, რომ დაადგინონ საიდან და ვისი ინიციატივით ხდება სოციალურ ქსელში ფარული ჩანაწერების ატვირთვა.“ - განაცხადა ლომჯარიამ.

შეგახსნებთ, რომ დეპუტატის პირადი ცხოვრების ამსახველი კადრები ინტერნეტსივრცეში ისევ გავრცელდა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა