„საქართველოში, სამწუხაროდ დაინერგა მანკიერი პრაქტიკა, რომლის მიხედვითაც პაციენტის გარდაცვალებისთანავე იწყება სისხლის სამართლის გამოძიება“, - ამის შესახებ „სამედიცინო ასოციაციების გაერთიანების“ განცხადებაშია აღნიშნული.

ასოციაცია მიიჩნევს, რომ ამგვარი პრაქტიკის შეცვლა ექიმთა ინტერესებისა და პაციენტთა უფლებების დაცვის კუთხით მნიშვნელოვანი იქნება.

„განვითარებულ ქვეყნებში არსებული პრაქტიკით, პროფესიული საქმიანობისას დაშვებული შეცდომისას დგება ექიმის პროფესიული პასუხისმგებლობის საკითხი, თუმცა საქართველოში, სამწუხაროდ დაინერგა მანკიერი პრაქტიკა, რომლის მიხედვითაც პაციენტის გარდაცვალებისთანავე იწყება სისხლის სამართლის გამოძიება . მაშინ როდესაც არ არის შესწავლილი რამ გამოიწვია პაციენტის ლეტალური შედეგი, არ არის დადგენილი დანაშაულის ნიშნების არსებობა და გარემოებები, თუ რამ გამოიწვია შესაძლო საექიმო შეცდომა.

„საქართველოს სამედიცინო ასოციაციების გაერთიანების“ აზრით შესაბამისმა ორგანოებმა შსს/პროკურატურამ ნებისმიერი შეტყობინებისას უპირობოდ არ უნდა დაიწყონ გამოძიება ( 116 მუხლით- სიცოცხლის მოსპობა გაუფრთხილებლობით). არამედ უნდა გაატარონ ოპერატიული ღონისძიებები და დაელოდონ შესაბამისი კომპეტენტური ორგანოს ( პროფესიული საბჭოს ) დასკვნას. რის შემდეგაც თუ გამოიკვეთება დანაშაულის ნიშნები, შესაძლებელი იქნება გამოძიების დაწყება.

ვფიქრობთ, საქართველოში დანერგილი პრაქტიკის შეცვლა მნიშვნელოვანი იქნება ექიმთა ინტერესებისა და პაციენტთა უფლებების დაცვის კუთხით, რაც შეწყვეტს ექიმთა პასუხისმგებლობის უპირობოდ სისხლის სამართლებრივ ჭრილში განხილვის მანკიერ პრაქტიკას“, - ნათქვამია განცხადებაში.

ავტორი: ექსპრესნიუსი,

სოციალური ქსელები

საია: სისტემა გავლენიანი მოსამართლეების ვიწრო ჯგუფის მიერ იმართება

ბულგარეთის საგარეო მინისტრი: მნიშვნელოვანია საქართველოს ჩართვა შავი ზღვის უსაფრთხოების შესახებ დიალოგში

უკრაინაში კიდევ ერთი ქართველი მებრძოლი დაიღუპა

ოანა ცოიუ –საჯაროდ უნდა დავგმო რუსეთის მიერ საქართველოს ტერიტორიაზე ჩატარებული არჩევნები. ძალიან მნიშვნელოვანია, ეს ითქვას ძალიან მკაფიოდ