ყაზახეთის პრეზიდენტმა კასიმ-ჟომარტ ტოკაევმა ხელი მოაწერა განკარგულებას, რომლის თანახმადაც, ქვეყნის დედაქალაქ ასტანას ნურსულთანი ეწოდება, - ამის შესახებ "რია ნოვოსტი" პრეზიდენტის პრესსამსახურზე დაყრდნობით იუწყება. 

„ყაზახეთის რესპუბლიკის დედაქალაქს ასტანას დაერქვას სახელი ნურ-სულთანი“, - ნათქვამია პრეზიდენტის განკარგულებაში.

მედია საშუალების ინფორმაციით, განკარგულება ძალაში გამოქვეყნებისთანავე შევა. 

ცნობისთვის, ყაზახეთის ახალი პრეზიდენტი კასიმ-ჟომარტ ტოკაევი 20 მარტს ინიციატივით გამოვიდა, რომ ქვეყნის დედაქალაქ ასტანას ყოფილი პრეზიდენტის სახელი ნურსულთანი [ნაზარბაევი] დაერქვას. 

გარდა დედაქალაქის სახელწოდების შეცვლილი ახალ პრეზიდენტს კიდევ რამდენიმე ინიციატივა აქვს. კერძოდ, მას სურს - ნურსულთან ნაზარბაევს დედაქალაქში ძეგლი დაუდგას და ყველა ქალაქის ცენტრალურ ქუჩას მისი სახელი დაერქვას. 

ცნობისთვის, ყაზახეთის პრეზიდენტმა ნურსულთან ნაზარბაევმა თანამდებობა 30-წლიანი მმართველობის შემდეგ გუშინ დატოვა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება