„ზვიად კვაჭანტირაძე ვერ გრძნობს იმ პასუხისმგებლობას, რომელიც ასეთ თანამდებობაზე უნდა გქონდეს“, - ამის შესახებ საპარლამენტო უმრავლესობის წევრმა გია ვოლსკიმ განაცხადა.

როგორც მან აღნიშნა, კვაჭანტირაძე მასზე დაკისრებულ მოვალეობას არ ასრულებდა.

„ბატონმა ზვიად კვაჭანტირაძემ კარგად იცის იმ კომიტეტის საქმიანობა, რომელსაც ხელმძღვანელობდა, საქმიანობა არა, უფრო უსაქმურობა და თან ეს კარგა ხანს გრძელდება. ამ კომიტეტის სრული გაჩერება ემთხვევა პერიოდს, რაზეც ჩვენ ყურადღება არ მიგვიქცევია. ზვიადმა გადაწყვიტა, საერთოდ არ იმუშაოს, განათლებული კაცია და ხმამაღალი განცხადებები არ შეეშლება. იყო მის მიმართ მოთხოვნები და გაზრდილი იყო მომართვები ჩვენი დიასპორის, რომლებიც მეტ აქტიურობას ითხოვდნენ ჩვენგან და მთავრობისგანაც“, - განაცხადა გია ვოლსკიმ.

ცნობისთვის, დღეს, პლენარულ სხდომაზე, მმართველმა გუნმდა ზვიად კვაჭანტირაძის დიასპორის კომიტეტის თავმჯდომარის პოსტიდან გადაყენების საკითხი დააყენა, თუმცა ვერ შეძლო. კვაჭანტირაძის გადაყენებას მხარი 67-მა დეპუტატმა დაუჭირა, გადაწყვეტილების მისაღებად კი, სულ მცირე 76 ხმაა საჭირო.

ავტორი: ექსპრესნიუსი,

სოციალური ქსელები

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა