„ვუსამძიმრებ ყველა იმ ადამიანს, ვინც თანამდებობის გამო სახე დაკარგა ჩემს ყოფილ პარტიაში და ეს პარტია თანამედროვე „შარიკოვებს“ დაამსგავსა“, - ამის შესახებ დეპუტატმა ეკა ბესელიამ პლენარულ სხდომაზე განაცხადა.

მან პარლამენტის თავმჯდომარე და მმართველი გუნდი დიასპორის კომიტეტის თავმჯდომარის თანამდებობიდან ზვიად კვაჭანტირაძის გათავისუფლების საკითხის დაყენების გამო გააკრიტიკა.

„ეს პროცესი იყო მოკლე, მაგრამ ბევრის მთქმელი. საზოგადოება უყურებს, რა სახე მიიღო პარლამენტმა. იმის ნაცვლად, რომ პარლამენტის თავმჯდომარე გამოდიოდეს, მის კოლეგას, რომელსაც მასზე დიდი ხნის გამოცდილება აქვს საპარლამენტო მუშაობის, უთხრას კოლეგიალობის, ქართული ზრდილობის - მადლობა, რომ ამ პროცესში თქვენ გააკეთეთ ბევრი რამ ქვეყნისთვის, ამის ნაცვლად ტრიბუნასთან დადგა პარლამენტის ღირსეული თავმჯდომარე და თქვა, რომ ცუდად მუშაობდაო, თან გალანძღა. პოლიტიკური სასჯელი ჰგონია ეხლა რომ გადააყენებს თანამდებობიდან და საერთოდ ვისაც თანამდებობაზე ყოფნა ჯილდო ჰგონია, ვუსამძიმრებ ყველა იმ ადამიანს, ვინც თანამდებობის გამო სახე დაკარგა იმ ჩემს ყოფილ პარტიაში და დაამსგავსა ეს პარტია თანამედროვე „შარიკოვებს“, ძალიან ვუსამძიმრებ ყველა იმ ადამიანს. ეს არის ის, რაც მე პირადად მაწუხებს, იმ ადამიანს, რომელსაც არ შეიძლება მქონდეს გულრგილი დამოკიდებულება. ზვიად კვაჭანტირაძე ამ თანამდებობაზე იქნება თუ არა, იმ გადაწყვეტილების შემდეგ ხომ კარგად ესმის იმას, ვისაც უნდა ესმოდეს, რომ ამას არანაირი მნიშვნელობა არ აქვს. ეს ნაბიჯი რომ გადადგა, იქ სხვა არჩევანი გააკეთა, მაგრამ თანამდებობას რომ სასჯელად ან შემაკავებელ ფაქტორად იყენებთ... რას დაამსგავსეთ ეს პარლამენტი ან ეს ქართული რეალობა და პოლიტიკა. ყალბი პათეტიკით ლაპარაკს თავი დაანებეთ ზოგიერთმა. „ნაციონალურ მოძრაობას“ ნუ გვახსენებს ის ხალხი, ვინც „ნაციონალური მოძრაობის“ დროს მაგიდის ქვეშ იმალებოდით. აქ ნუ ვაშკაცობთ, იქ გევაშკაცათ სადაც მართლა ვაჟკაცობის და თავდადების ფასი იყო გარეთ გამოსვლა“, - განაცხადა ეკა ბესელიამ.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა