2019-03-19 12:51:31, 1150 ნახვა

---

საპატრიარქო - სამხედრო სამსახურიდან გათავისუფლება ფსევდორელიგიური იურიდიული პირების მიერ არ უნდა იქნეს გამოყენებული

ზომები უნდა გატარდეს, რათა სასულიერო პირების სამხედრო სამსახურიდან გათავისუფლება ფსევდორელიგიური იურიდიული პირების მიერ არ იქნეს გამოყენებული, - ამის შესახებ ინფორმაციას საქართველოს საპატრიარქო ავრცელებს.

 როგორც განცხადებაშია აღნიშნული, სახელმწიფოში გარანტირებული უნდა იყოს არასამხედრო ალტერნატიული შრომითი სამსახური.

„სასულიერო პირების სავალდებულო სამხედრო სამსახურიდან განთავისუფლება საყოველთაოდ მიღებული პრაქტიკაა და ჩვენ მას მხარს ვუჭერთ. სახელმწიფოში ასევე გარანტირებული უნდა იყოს არასამხედრო ალტერნატიული შრომითი სამსახური.

ამასთან უნდა გატარდეს შესაბამისი ზომები, რათა ეს პრაქტიკა არ იქნას გამოყენებული ფსევდორელიგიური იურიდიული პირების მიერ თავიანთი ვიწრო მერკანტილური ინტერესებისათვის, რაც რელიგიურობით მანიპულაციას და აშკარა ანტისახელმწიფოებრივ ქმედებას წარმოადგენს“, - ნათქვამია განცხადებაში.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი