|
2019-03-11 18:21:11, 1703 ნახვა
ეკონომიკა
გიორგი ქობულია: გვსურს, კორეულ ბიზნესს ჩვენი ქვეყანა უფრო კარგად გავაცნოთ
კორეის რესპუბლიკაში სამუშაო ვიზიტის ფარგლებში, ეკონომიკისა და მდგრადი განვითარების მინისტრი გიორგი ქობულია კორეის ვაჭრობისა და ინდუსტრიის პალატის ვიცე-თავმჯდომარეს ჯუდონგ კიმს შეხვდა. აღნიშნული პალატა კორეაში უძველესი და უმსხვილესია და აერთიანებს 73 რეგიონულ პალატასა და 100-ზე მეტ ორგანიზაციას, რომელთა საქმიანობაც ვაჭრობასა და ინდუსტრიას უკავშირდება. შეხვედრაზე განხილული იყო ორმხრივი სავაჭრო-ეკონომიკური თანამშრომლობის ძირითადი მიმართულებები. მისი დასრულების შემდეგ, ეკონომიკისა და მდგრადი განვითარების მინისტრმა გიორგი ქობულიამ დადებითად შეაფასა კორეული მხარის ინტერესი საქართველოსთან თანამშრომლობის გაღრმავებისა და ორმხრივი ეკონომიკური პროექტების განხორციელების კუთხით. „პალატის ვიცე-თავმჯდომარემ აღგვიქვა დახმარება და მხარდაჭერა კორეასთან თავისუფალი სავაჭრო შეთანხმების მიღწევაში, ასევე საქართველოში კორეული ბიზნესის ჩამოყვანაში. ჩვენ ვგეგმავთ ბიზნესფორუმის გამართვას საქართველოში, სადაც ჩამოვლენ კორეელი ბიზნესმენები. აღნიშნული ფორუმი დაგვეხმარება, რომ კორეულმა ბიზნესმა ჩვენი ქვეყანა უფრო კარგად გაიცნოს და ადგილობრივ ბიზნესწრეებთან კონტაქტები დაამყაროს", - განაცხადა ეკონომიკისა და მდგრადი განვითარების მინისტრმა. შეხვედრას ასევე დაესწრნენ საქართველოს ელჩი კორეაში ოთარ ბერძენიშვილი, ეკონომიკისა და მდგრადი განვითარების მინისტრის მოადგილე გენადი არველაძე და სსიპ „აწარმოე საქართველოში" დირექტორი მიხეილ ხიდურელი. ვიზიტის ფარგლებში აგრეთვე გაიმართა შეხვედრა კორეის საზღვარგარეთ ინფრასტრუქტურული და ურბანული განვითარების ხელშეწყობის კორპორაციაში. გაერთიანება ახორციელებს კორეული კომპანიების მხარდაჭერას მათ მიერ საზღვარგარეთ ინფრასტრუქტურული პროექტების განხორციელების შემთხვევაში.
(NS)
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
სანაია - რა ჯარიმაც არ უნდა დაწერონ, რა პატიმრობაც არ უნდა გამოწერონ, ჩვენ ყოველთვის დავწერთ და ვილაპარაკებთ იმას, რასაც საჭიროდ მივიჩნევთ
ვახო სანაია თავისუფალია
Wildberries-ის საქართველოში გაფართოება ქვეყნისთვის სანქციურ, ფინანსურ, რეპუტაციულ და უსაფრთხოების რისკებს ქმნის
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





