დედისა და ქალთა დღისადმი მიძღვნილი კვირეულის ფარგლებში დღეს, შუახევის მერი ფრიდონ ფუტკარაძე, მოადგილესთან რუსუდან შავაძესთან ერთად სოფელ დღვანში მცხოვრებ გულთამზე ფუტკარაძეს სახლში ეწვია, ქალთა დღესასწაულები მიულოცა და სამახსოვრო საჩუქარი გადასცა.

გულთამზე ფუტკარაძე წლების განმავლობაში დაუღალავად ემსახურებოდა ადამიანებს და მათ ჯანმრთელობაზე ზრუნავდა.

თბილისის სამედიცინო ინსტიტუტის დამთავრების შემდეგ სხვადასხვა დროს მუშაობდა ჯაბნიძეების საფერშლო პუნქტის გამგის მოადგილედ, კვიახიძეების საფერშლო პუნქტის გამგედ, დღვანის საუბნო საავადმყოფოს მთავარ ექიმად, შუახევის საავადმყოფოს თერაპიული განყოფილების გამგედ. იყო შუახევის სახელმწიფო სანიტარიული ეპიდემიური სამსახურის მთავარი ექიმი, ბოლო წლეებში მუშაობდა შუახევის დასაუფთავების სამსახურის უფროსად. დაჯილდოვებულია საპატიო ნიშნის ორდენითა და მედლებით.

დღესვე, შუახევის მერმა უჩამბაში მცხოვრებ ორი შვილის დედას მელანო მუკუტაძეს დედის დღე მიულოცა და საჩუქარი გადასცა.

,,მინდა კიდევ ერთხელ ყველა ქალს მივულოცო გაზაფხულის დღსასწაულები, ვუსურვო ჯანმრთელობა, დღეგრძელობა და შვილების ბედნიერება“, - განაცხადა ფრიდონ ფუტკარაძემ.

(NS)

ავტორი: ,

სოციალური ქსელები

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა

კრემლმა გერმანიის ულტრამემარჯვენე პარტიასთან მოლაპარაკებები დაიწყო გერმანიაში გაზის მიწოდების აღდგენის თაობაზე

საქართველოს საგარეო ვალი ერთ თვეში 52 მილიონი დოლარით გაიზარდა