2019-03-04 14:49:39, 1615 ნახვა

---

ხაზარაძე მდინარაძეს - სერიოზული პასუხისმგებლობის ადამიანი ვარ და რადგან ვთქვი, გარწმუნებთ, გახარიას წერილს გავასაჯაროვებ

„რადგან ვთქვი, მაღალი ტრიბუნიდან, მე სერიოზული პასუხისმგებლობის ადამიანი ვარ და გარწმუნებთ, რომ ამას გავასაჯაროვებ“, - ასე უპაუსხა „თიბისის“ დამფუძნებელმა მამუკა ხაზარაძემ ფრაქცია „ქართული ოცნების“ თავმჯდომარე მამუკა მდინარაძეს.

დეპუტატის კითხვა იმ წერილის დეტალებს ეხებოდა, რომელიც ხაზარაძის თქმით, მას შს მინისტრმა, გიორგი გახარიამ გაუგზავნა.

ხაზარაძემ აღნიშნა, რომ წერილს მაშინ წარმოდგენს, როდესაც საკითხის შესასწავლად სპეციალური საგამოძიებო ორგანო ჩამოყალიბდება.

„მე ძალიან ცოტა იმედი გვაქვს, რომ რაღაცები გაირკვევა ამ ქვეყანაში, ამიტომ გპირდებით, ამას გავასაჯაროვებ, მაგრამ მაშინ, როცა იქნება საგამოძიებო ორგანო შექმნილი, რომელსაც ექნება რეაგირების და გამოძიების საშუალება. მე რადგან ვთქვი, მაღალი ტრიბუნიდან, მე სერიოზული პასუხისმგებლობის ადამიანი ვარ და გარწმუნებთ, რომ ამას გავასაჯაროვებ, მაგრამ არა ამ ფორმით, არა ჟურნალისტებს, იმიტომ რომ მერე რაღაც ორთქლი გამოვიდეს და ეს თემა დამთავრდეს“, - მიმართა ხაზარაძემ მამუკა მდინარაძეს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი