2019-03-01 14:03:20, 1436 ნახვა

---

ბეჟაშვილი ეუთო-ს დასკვნაზე: გამოსავალი ვადამდელი საპარლამენტო არჩევნები და საარჩევნო სისტემის კარდინალურად შეცვლაა

"ნაციონალური მოძრაობის” პოლიტიკური საბჭოს წევრის, ლევან ბეჟაშვილის განცხადებით, ეუთო-ს დასკვნით დასტურდება, რომ საპრეზიდენტო არჩევნებმა სერიოზული დარღვევების ფონზე ჩაიარა.

ბეჟაშვილი მიიჩნევს, რომ არსებული ვითარებიდან ერთადერთი გამოსავალი ვადამდელი საპარლამენტო არჩევნებია. 

„ეს იყო ყველაზე ცუდი არჩევნები, რომელიც კი ჩატარებულა საქართველოს ისტორიაში, განსაკუთრებით, საპრეზიდენტო არჩევნების მეორე ტური. ამიტომ, ხელისუფლების თვითკმაყოფილება, პირიქით, განგაშს უნდა იწვევდეს ქართულ პოლიტიკურ სპექტრში და საზოგადოებაში. ჩვენ ვფიქრობთ, რომ გამოსავალი არის ვადამდელი საპარლამენტო არჩევნები და საარჩევნო სისტემის კარდინალურად შეცვლა, რომ ხელისუფლებას არ ჰქონდეს მოსყიდვის, ძალადობის ისეთი ბერკეტები, რომლებიც გამოვლინდა საპრეზიდენტო არჩევნების დროს“, - განაცხადა ბეჟაშვილმა. 

ცნობისთვის, საქართველოში ჩატარებულ 2018 წლის საპრეზიდენტო არჩევნებთან დაკავშირებით ეუთომ საბოლოო ანგარიში გამოაქვეყნა. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი