რუსეთის საგარეო საქმეთა მინისტრის მოადგილის გრიგორი კარასინის შეფასებით, ბოლო დროს ქართველი პოლიტიკოსების მკვეთრი განცხადებები გახშირდა, - ამის შესახებ დიპლომატმა "კომერსანტისთვის" მიცემულ ინტერვიუში განაცხადა.

როგორც კარასინმა აღნიშნა, რუსეთი საქართველოსთან ურთიერთობებს იმ დოზით განავითარებს, რა დოზითაც ამისთვის ოფიციალური თბილისი იქნება მზად.

"ბოლო დროს გახშირდა ქართველი პოლიტიკოსების, მათ შორის ახლადარჩეული პრეზიდენტის სალომე ზურაბიშვილის, პრემიერ-მინისტრის მამუკა ბახტაძის და საგარეო საქმეთა მინისტრის დავით ზალკალიანის მხრიდან მკვეთრი განცხადებები. ისინი საუბრობენ ნატო-ს მიმართულებით დაჩქარებულ სვლაზე, ასევე იმაზე, რომ თითქოს რუსეთი მთელი დემოკრატიული ევროპისთვის საფრთხის შემცველია. ბუნებრივია, ეს გვაწუხებს. ეს რუსეთ-საქართველოს ურთიერთობებში ორმხრივი მიზიდულობის ატმოსფეროს გაძლიერებას ხელს არ უწყობ. თბილისმა უნდა ჩამოყალიბდეს: ან აირჩიოს სამხრეთ კავკასიაში რეგიონალური კეთილგანწყობის ატმოსფეროს შექმნა, ან ევროატლანტიკური დღის წესრიგი. ამის შესრულება ერთდროულად რთულია და შესაძლოა სერიოზული შედეგები მოჰყვეს. სამხრეთ კავკასიის რეგიონში ნატო-ს აქტიურობის გაზრდა, ადრე თუ გვიან გარკვეული პრობლემების მომტანი იქნება. ჩვენ გვახსოვს, რით დაიწყო უკრაინული პრობლემები. ამ შემთხვევაშიც საკითხი ანალოგიურად დგას. საქართველო-რუსეთის ურთიერთობები ადგილიდან დაიძვრება - მიუხედავად დიპლომატიური ურთიერთობების არარსებობისა. საქართველო - ჩვენთვის ახლო ქვეყანაა. თუმცა საქართველოსთან ურთიერთობებს იმ დოზით განვავითარებთ, რა დოზითაც ამისთვის ოფიციალური თბილისი იქნება მზად. ისტორია გვიჩვენებს, რომ დაფაზე ერთდროულად თამაშის მცდელობები გაუგებრობას იწვევს და ამას შეიძლება ნეგატიური შედეგები მოჰყვეს", - განაცხადა კარასინმა.

ავტორი: ,

სოციალური ქსელები

გერმანიის საგარეო საქმეთა მინისტრმა განაცხადა რუსეთის მხრიდან საქართველოს, მოლდოვასა და ბალტიისპირეთის ქვეყნების მიმართ საფრთხის შესახებ.

ბაზისბანკმა, ქართული ბიზნესის მხარდასაჭერად, BSTDB-ისგან 25 მილიონი ევროს დაფინანსება მიიღო

ვარშავაში ეუთოს კონფერენციაზე საქართველოში გამართული საპროტესტო აქციების დროს ქიმიური ნივთიერებების გამოყენების შესახებ კვლევა წარმოადგინეს

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს