„მიუხედავად იმისა, რომ დღეს მსჯელობა სიღრმეში არ შევიდა, ჩვენი შეთავაზება ძალაშია - შეგვიძლია მამუკა ხაზარაძეს და ბადრი ჯაფარიძეს საფინანსო-საბიუჯეტო კომიტეტში მოვუსმინოთ“, - ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ ჟურნალისტებს განუცხადა.

როგორც მან აღნიშნა, ახლა მთავარი „თიბისი ბანკის“ შემდგომი განვითარება და მისი კორპორატიული მართვის გაუმჯობესებაა.

„საზედამხედველო ღონისძიებები, რომელსაც ცენტრალური ბანკის ატარებს, არის კონფინდენციალური. ეს ღონისძიებები არის დახურული ნებისმიერი მესამე მხარის მიმართ. მეორეს მხრივ, “თიბისი“ ბანკის აქციონერებმა ლონდონში გაავრცელეს ინფორმაცია, რომ პრობლემა, რომელიც საქართველოს ეროვნულ ბანკსა და “თიბისი ბანკს“ შორის არსებობდა, არის ამოწურული, დახურული და ეროვნული ბანკთან მათ სამართლებრივი დავა შეწყვიტეს. ამის შემდეგ მათი ერთობლივი განცხადება გავრცელდა, სადაც აღიარებენ, რომ სამართლებრივი დავა შეწყდა და “თიბისი“ ბანკმა 1-მილიონიანი ჯარიმა გადაიხადა. გამომდინარე აქედან, მაქვს განცდა, რომ ახლა მთავარია “თიბისი ბანკის“ შემდგომი განვითარება და მისი კორპორატიული მართვის გაუმჯობესება, და ის ღონისძიებები, რომელიც არის იმ ერთობლივ განცხადებაში. ეს არის უაღრესად მნიშვნელოვანი. მიუხედავად იმისა, რომ დღეს მსჯელობა სიღრმეში არ შევიდა, მე რამდენიმე დღეა ვაცხადებ, რომ ჩვენი შეთავაზება არის ძალაში, ჩვენ შეგვიძლია მოვუსმინოთ ბატონ ჯაფარიძესაც, ბატონ ხაზარაძესაც, მოვისმინოთ მათი არგუმენტები და პროფესიული განხილვა საფინანსო-საბიუჯეტო კომიტეტში“, - აღნიშნა კოვზანაძემ.  

შეგახსენებთ, დარგობრივი ეკონომიკისა და ეკონომიკური პოლიტიკის კომიტეტის სხდომა, სადაც ოპოზიცია „თიბისი ბანკის“ საკითხის განხილვას ითხოვდა, ჩაიშალა. სხდომაზე კომიტეტის თავმჯდომარე რომან კაკულიამ დეპუტატებს განუცხადა, რომ ეროვნული ბანკის პრეზიდენტის არგუმენტები გაიზიარა, რომლის თანახმადაც "თიბისის" საქმის განხილვა საჯაროდ არ უნდა მომხდარიყო, რადგან ეს ბანკისთვის დამაზიანებელი იქნებოდა.  აღნიშნულმა ფაქტმა დეპუტატების ნაწილის უკმაყოფილება გამოიწვია. როგორც ოპოზიციის წევრებმა განაცხადეს, სხდომა უნდა გაგრძელებულიყო ღია ფორმატში, რათა საზოგადოებას საქმესთან დაკავშირებით დეტალური ინფორმაცია მიეღო და ბანკის დამფუძნებლებს პოზიციის დაფიქსირების შესაძლებლობა ჰქონოდათ. ხანგრძლივი კამათის შემდეგ, კომიტეტის თავმჯდომარე სხდომა დასრულებულად გამოაცხადა. მანვე პირობა დადო, რომ შესაბამის ფორმატში „თიბისის“ საკითხის განხილვა აუცილებლად შედგება და ყველა კითხვა იქნება დასმული.

ავტორი: ,

სოციალური ქსელები

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა

თბილისის ზღვაში 17 წლის ბიჭი დაიხრჩო