ფრაქცია "ნაციონალური მოძრაობის" თავმჯდომარე რომან გოცირიძე, ეროვნული ბანკის კობა გვენეტაძის გადადგომას ითხოვს.

როგორც გოცირიძემ ჟურნალისტებს განუცხადა, სებ-ის პრეზიდენტი პარტია "ქართული ოცნების" თავმჯდომარის ბიძინა ივანიშვილის მძევალია. დეპუტატი დარგობრივი ეკონომიკის კომიტეტის ჩაშლას კრიტიკულად აფასებს და აღნიშნავს, რომ ქვეყანაში ყველა სახელმწიფო სტრუქტურა ჩამოშლილია.

"კიდევ ერთხელ დავრწმუნდით, რომ საქართველოში ყველა სახელმწიფო უწყება იმართება ერთი ადამიანის მიერ შუშის სასახლიდან. დღეს მან პარლამენტს აუკრძალა ამ უმნიშვნელოვანესი თემის განხილვა. პარლამენტი ფაქტობრივად იშლება, საპარლამენტო უმრავლესობის  სახით. დაშალა ყველაფერი და სამწუხაროა ის ფაქტი, რომ დაიშალა ეროვნული ბანკი. ეროვნული ბანკი, მისი პრეზიდენტი დღეს არის ივანიშვილის მძევალი. ის არის ამ გარემოებათა ტყვე, მან დაკარგა ყოველგვარი მორალური უფლება, რომ იყოს ეროვნული ბანკის ხელმძღვანელი. მას არ აქვს ნდობა საზოგადოების წინაშე, მსგავსი შეხვედრები სერიოზულ ზიანს აყენებს საქართველოს ფინანსურ სისტემას. დღეს მომხდარი ამბის შემდეგ სებ-ის პრეზიდენტი უნდა გადადგეს. ეს იქნება კარგი გაკვეთილი ყველასთვის. რაც შეეხება პროკურატურას, ფინანსური მონიტორინგის სამსახურს, შინაგან საქმეთა სამინისტროს, ეროვნულ ბანკის, პარლამენტს, ყველა ეს სტრუქტურა დღეს არ არსებობს და ემორჩილება ერთი კაცის ნებას. დღეს მომხდარი ფაქტი ცდება "თიბისი ბანკის" სფეროს საკითხს. ქვეყანაში არ არსებობს ხელისუფლება. ანაკლიის პროექტს დიდი ხნით დიდი კითხვის ნიშანი დაესვა", - განაცხადა რომან გოცირიძემ.

შეგახსენებთ, დარგობრივი ეკონომიკისა და ეკონომიკური პოლიტიკის კომიტეტის სხდომა, სადაც ოპოზიცია „თიბისი ბანკის“ საკითხის განხილვას ითხოვდა, ჩაიშალა. სხდომაზე კომიტეტის თავმჯდომარე რომან კაკულიამ დეპუტატებს განუცხადა, რომ ეროვნული ბანკის პრეზიდენტის არგუმენტები გაიზიარა, რომლის თანახმადაც "თიბისის" საქმის განხილვა საჯაროდ არ უნდა მომხდარიყო, რადგან ეს ბანკისთვის დამაზიანებელი იქნებოდა.  აღნიშნულმა ფაქტმა დეპუტატების ნაწილის უკმაყოფილება გამოიწვია. როგორც ოპოზიციის წევრებმა განაცხადეს, სხდომა უნდა გაგრძელებულიყო ღია ფორმატში, რათა საზოგადოებას საქმესთან დაკავშირებით დეტალური ინფორმაცია მიეღო და ბანკის დამფუძნებლებს პოზიციის დაფიქსირების შესაძლებლობა ჰქონოდათ. ხანგრძლივი კამათის შემდეგ, კომიტეტის თავმჯდომარე სხდომა დასრულებულად გამოაცხადა. მანვე პირობა დადო, რომ შესაბამის ფორმატში „თიბისის“ საკითხის განხილვა აუცილებლად შედგება და ყველა კითხვა იქნება დასმული. 

ავტორი: ,

სოციალური ქსელები

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა

თბილისის ზღვაში 17 წლის ბიჭი დაიხრჩო