დონალდ ტრამპმა გაერო-ში აშშ-ის ელჩის პოსტზე კელი კრაფტის კანდიდატურა წარადგინა

2019-02-23 11:16:04, 2923 ნახვა

მსოფლიო

ამერიკის შეერთებული შტატების პრეზიდენტმა დონალდ ტრამპმა გაერო-ში აშშ-ის ელჩის პოსტზე კელი კრაფტის კანდიდატურა წარადგინა.

შესაბამისი განცხადება თეთრი სახლის ლიდერმა Twitter-ის საკუთარ გვერდზე გაავრცელა:

„მოხარული ვარ გამოვაცხადო, რომ კელი კრაფტს, კანადაში ჩვენს ელჩს, წარვადგენ გაერო-ში აშშ-ს მუდმივი წარმომადგენელის თანამდებობაზე. კელიმ შესანიშნავი სამუშაო განახორციელა თავის ამჟამინდელ პოსტზე. ეჭვი არ მეპარება, რომ მისი ხელმძღვანელობით ჩვენი ქვეყანა გაერო-ში უმაღლეს დონეზე იქნება წარმოდგენილი ვულოცავ კელის და მის ოჯახს“, - წერს დონალდ ტრამპი.

ცნობისთვის, მანამდე კრაფტი კანადაში ამერიკის ელჩი იყო.

შეგახსენებთ, რომ გაერო-ში აშშ-ის ელჩი, ნიკი ჰეილი, 2018 წლის ოქტომბერში თანამდებობიდან გადადგა.

....Kelly has done an outstanding job representing our Nation and I have no doubt that, under her leadership, our Country will be represented at the highest level. Congratulations to Kelly and her entire family!
— Donald J. Trump (@realDonaldTrump) February 22, 2019