„ყველასგიდასტურებთჩემ პატივისცემას იმათ გარდა, ვისაც მე არ ვთვლი, არასოდეს ვთვლიდი და არ ჩავთვლი, რომ არის იდეალების ერთგული და ღირებულებების დამცველი, რომლითაც არა მხოლოდ 2011 წელს შევიკრიბეთ, მანამდეც ვიყავით ერთად“, - ასე მიმართა საპარლამენტო უმრავლესობის დეპუტატმა ეკა ბესელიამ თანაგუნდელებს პარლამენტის პლენარულ სხდომაზე, სადაც მოსამართლეების უვადოდ დანიშვნის დროებით შეჩერების შესახებ კანონპროექტს განიხილავენ.

მან თანამოაზრეებს პარლამენტის თავმჯდომარის, ირაკლი კობახიძის განცხადების გამო ბოდიში მოუხადა.

„ალბათ ბოლოჯერ მიწევს გამოსვლა უმრავლესობის სახელით ამ ტრიბუნიდან. მე გთხოვთ ბოლომდე მოისმინოთ ის რისი თქმაც მინდა. მინდა დავიწყო იმით, სადაც პარლამენტის თავმჯდომარემ დაასრულა თავისი გამოსვლა. მისი გამოსვლის ბოლო წინადადება, პირველ რიგში იყო შეურაცხყოფა იმ კოლეგების მიმართ, რომლებიც დაადანაშაულა იმ პოლიტიკურ ძალასთან ალიანსში, რომელსაც რეალურად თავად იცავს ამ ხნის განმავლობაში. მე მინდა ყველას, ვინც იბრძოდით და იბრძვით იმ იდეალებისთვის, რითაც პირველი ოქტომბერი მოვიდა ამ ქვეყანაში, მადლობა გითხრათ და ბოდიში მოგიხადოთ ირაკლი კობახიძის ნაცვლად იმ სიტყვების გამო, რითიც მან დაასრულა გამოსვლა. დღეს თურმე ამ გადაწყვეტილებისთვის ხმის მიცემა არის ტოლფასი, ვიქნებით თუ არ ვიქნებით ერთად. ეხლა სხდომა მიყავს იმ ადამიანს, ვისთან ერთადაც, ძალიან ბევრი ბრძოლა გამოვიარეთ.  ამ დარბაზში ბევრი ძალიან ღირსეული ადამიანია. მე ყველას ჩემ პატივისცემას გიდასტურებთ იმათ გარდა, ვისაც მე არ ვთვლი, არასოდეს ვთვლიდი და არ ჩავთვლი, რომ არის იდეალების ერთგული და ღირებულებების დამცველი, რომლითაც არა მხოლოდ 2011 წელს შევიკრიბეთ, მანამდეც ვიყავით ერთად“, - განაცხადა ეკა ბესელიამ.

ავტორი: ,

სოციალური ქსელები

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?