უმრავლესობის წევრი, ლევან კობერიძე თანაგუნდელებს მოუწოდებს, რომ დეპუტატ ეკა ბესელიას კანონპროექტს, რომელიც მოსამართლეთა უვადოდ გამწესების დროებით შეჩერებას ითვალისწინებს, მხარი დაუჭირონ.

ამის შესახებ კობერიძემ პარლამენტის პლენარულ სხდომაზე განაცხადა.

ამასთან, მისი თქმით, აღნიშულ კანონპროქტის მხარდაჭერა არის საზოგადოების გზავნილი და დეპუტატებმა ბესელიასა და მისი თანამოაზრეებისადმი სუბიექტური დამოკიდებულება გვერდზე უნდა გადადონ.

„დღეს ჩვენ ვართ მდგომარეობაში, როდესაც ჩვენი ქვეყნის მოსახლეობამ პოლიტიკოსებს გაგვასწრო პოლიტიკურ აზროვნებაში. დღეს არის მდგომარეობა შექმნილი, რომელიც თვალნათლივ გამოჩნდა საპრეზიდენტო არჩევნების დროს. ეს არ არის უბრალოდ ჩემი განცდა, როდესაც ის შედეგები, რაც იყო დაფიქსირებული პირველ და მეორე ტურში, საქართველოს მოსახლეობამ თავისი სათქმელი გვითხრა. მე მგონია, რომ ეს ჩვენ კარგად უნდა მოვისმინოთ, გავაანალიზოთ, იმიტომ რომ დღეს რაზეც ვმსჯელობით ჩემი აზრით ეს არის სწორედ მიბმული სწორედ იმ საკითხთან, იმ თემასთან, რაც ჩვენ გვითხრა საქართველოს მოსახლეობამ თავისი არჩევანის გაკეთების დროს.

მე გთხოვდით უბრალოდ რომ სუბიექტური მიდგომა, თუ შეიძლება გვერდზე გადავდოთ, იმიტომ რომ დღეს ჩვენ რა კანონზეც ვსაუბრობთ, ეს არ ნიშანსვეტი იმისა, საქართველოს პარლამენტს შეუძლია თუ არა ადეკვატური რეაგირება მოხდინოს იმ შექმნილ სიტუაციაზე, რომელიც დღეს არის შექმნილი სასამართლოების გარშემო.

დღეს ამ პროექტის მხარდაჭერა არ არის უბრალოდ ჭიდილი, რომ ვიღაცას უნდა რომ იყოს სასამართლო ან უფრო ცუდად უნდა რომ იყოს. ეს კანონი ჩვენ უნდა მივიღოთ იმისათვის, როგორც დროებითი ნორმა, როგორც ჟანგბადი, როგორც ჰაერი, როგორც ამოსაუნთქვა, ამ სიტუაციას ახლა სჭირდება პაუზა. მე ვთვლი რომ ეს კანონპროექტი, რომელიც არის წარმოგენილი შეესაბამება კონსტიტუციას და მე ვთვლი, რომ დღეს ეს კანონი ჩვენ აუცილებლად უნდა მივიღოთ“, - აღნიშნა ლევან კობერიძემ.

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა