"ევროპული საქართველო" "თიბისი ბანკის" ერთ-ერთ დამფუძნებელს, მამუკა ხაზარაძეს იმ კომიტეტზე დასწრებას სთავაზობენ, სადაც ეროვნული ბანკის პრეზიდენტს კობა გვენეტაძეს მოუსმენენ. 

როგორც პარტიის ერთ-ერთმა ლიდერმა დავით ბაქრაძემ აღნიშნა, კომიტეტის სხდომაზე, სადაც ღია დებატები გაიმართება, სიმართლე გამოჩნდება. 

"უმცირესობამ ეროვნული ბანკის პრეზიდენტი დაიბარა პარლამენტში. დაბარების ძირითადი თემა , არის ის მავნებლური საბანკო რეგულაციები, რომელიც მათ მიიღეს. მაქვს კონკრეტული შეთავაზება მამუკა ხაზარაძის მიმართ მოვიდეს პარლამენტში, ისიც დაესწროს  საკომიტეტო მოსმენას, სადაც იქნება ეროვნული ბანკის პრეზიდენტი. მან გუშინ გამოთქვა მზადყოფნა,რომ საზოგადოებას მიაწოდებს დოკუმენტებს და ინფორმაციას. ამიტომ მე მაქვს შეთავაზება მობრძანდეს ამ კომიტეტის სხდომაზე და პარლამენტის წევრებთან და ჟურნალისტებთან ერთად, საზოგადოებისთვის ღიად და გასაგებად ვისაუბროთ ყველაფერზე, რა ხდება, რა მდგომარეობაა და რა პრეტენზიები აქვს ეროვნულ ბანკს "თიბისის"  მიმართ და "თიბისი ბანკს" ეროვნუოლ ბანკის მიმართ. ეს იქნება საზოგადოებისთვის, ყველაზე მისაღები ფორმა, რომ საპარლამენტო ფორმატში "თიბისი ბანკის" პრეზიდენტი და ეროვნული ბანკის პრეზიდენტი ღიად ერთმანეთთან არგუმენტებით დაუპირისპირდნენ და გაირკვეს, რომელი მხარე არის მართალი და რომელ მხარეს რა პრეტენზია აქვს", - განაცხადა დავით ბაქრაძემ 

ამასთან, ბაქრაძე მამუკა ხაზარაძეს ურჩევს, მოიპოვოს საზოგადოების თანადგომა, რადგან ბაქრაძის თქმით, ეს დაწყებულ ბრძოლაში ერთადერთი რეალური იმუნიტეტია. აქვე ბაქრაძემ დასძინა, რომ საზოგადოების მხარდაჭერის მოპოვების ერთადერთი გზა გულწრფელობაა.

"მამუკა ხაზარაძის გადასაწყვეტია, რამდენად გულწრფელი ან არაგულწრფელი იქნება აი, ამ ყველაფრის შეფასებაში, მაგრამ ერთი რამ მკაფიოდ უნდა ესმოდეს, რომ თუ მას სურს საზოგადოების მხარდაჭერის მოპოვება. ის უნდა იყოს გულწრფელი საზოგადოებასთან. საზოგადოებამ უნდა იცოდეს, რა ხდება, რას ედავება ხელისუფლება "თიბისი ბანკს", რატომ ედავება ხელისუფლება "თიბისი ბანკს", რა დგას და ვინ დგას ამ დავის უკან", - აღნიშნა ბაქრაძემ. 

ავტორი: ,

სოციალური ქსელები

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?