„საქართველო დინამიურად ვითარდება და რეგიონში ლიდერია“, - ამის შესახებ ევროპის საინვესტიციო ბანკის ვიცე-პრეზიდენტმა, ვაზილ ჰუდაკმა საქართველოს მთავრობის ადმინისტრაციაში, პრემიერ-მინისტრ მამუკა ბახტაძესთან და ევროკავშირის ელჩთან, კარლ ჰარცელთან ერთად გამართულ პრესკონფერენციაზე განაცხადა.

როგორც მან აღნიშნა, ევროპის საინვესტიციო ბანკის მიერ გამოყოფილი ფინანსური რესურსით (250 მლნ ევრო) განხორციელდება პროექტები, რომელიც საქართველოს საშუალებას მისცემს, ევროპას კიდევ უფრო დაუახლოვდეს.

„მოგეხსენებათ, ჩვენ ვართ ევროკავშირის ფინანსური ინსტრუმენტი  და ჩვენი საქმიანობა ადასტურებს იმას, რომ საქართველო არის უფრო დიდი ევროპული სივრცის ნაწილი. 250 მილიონი ევროს გამოყოფა ახალი გზების მშენებლობისთვის, არსებულის რეაბილიტაციისთვის, ევროპული სატრანსპორტო ქსელის გაფართოებისთვის, რომელიც არის აღმოსავლეთ-დასავლეთის ჩქაროსნული მაგისტრალის განვითარება, ეს საშუალებას მისცემს საქართველოს, რომ ევროპას უფრო და უფრო დაუახლოვდეს და მნიშვნელოვანი გეოგრაფიული ადგილმდებარეობა, მისი პოტენციალი გამოიყენოს ევროპის და აზიის დასაკავშირებლად. ჩვენ დიდი სიხარულით ვერთვებით ამ კლასიკური ინფრასტრუქტურის განვითარებაში და ვეხმარებით მნიშვნელოვან პროექტს, რომელიც გამოისახება გზების, რკინიგზის განვითარებით. გვინდა, კიდევ უფრო მეტი აქცენტი გავაკეთოთ პროგრამულ უზრუნველყოფაზე, პრემიერმა ბრაძანა, რომ ინოვაციები და ტექნოლოგიები არის საქართველოს მთავრობის პრიორიტეტი, ძალიან დიდი პოტენციალი გააჩნია ქვეყანას ამ მიმართულებით. საქარველო რეგიონში ინოვაციური ლიდერია. აქედან გამომდინარე, დიდი სიხარულით ვერთვებით ამ ინიციატივაში და მომავალში უფრო მეტად დავეხმარებით ინვესტიციებს ევროკავშირის სამეწარმეო სუბიექტების ჩართულობას საქართველოს ეკონომიკურ განვითარებაში და ევროკავშირი-საქართველოს შორის უფრო მჭიდრო ურთიერთობაში“, - განაცხადა ვაზილ ჰუდაკმა.

შეგახსენებთ, დღეს საქართველოსა და ევროპის საინვესტიციო ბანკს შორის სესხის სახით 250 მილიონი ევროს გამოყოფის შესახებ ხელშეკრულება გაფორმდა. აღნიშნული თანხა რუსთავი-წითელი ხიდისა და რუსთავი-სადახლოს მაგისტრალის მშენებლობა/რებილიტაციას მოხმარდება.

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა