საქართველოს გარემოს დაცვისა და სოფლის მეურნეობის მინისტრი ლევან დავითაშვილი რომში  სოფლის განვითარების საერთაშორისო ფონდის (IFAD) მმართველი საბჭოს 42-ე სესიაში მონაწილეობდა, რომელიც იტალიის რესპუბლიკის დედაქალაქ რომში გაიხსნა და 190 ქვეყნის  ოფიციალური დელეგაცია ესწრებოდა.

სესიის ფარგლებში, ლევან დავითაშვილმა ორმხრივი შეხვედრები გამართა იტალიის, ამერიკის შეერთებული შტატების, გერმანიის, მექსიკის, ახალი ზელანდიის, სეიშელის კუნძულების, დიდი ბრიტანეთის, იაპონიის, საუდის არაბეთის, მონღოლეთისა და რუანდის ოფიციალურ დელეგაციებთან. შეხვედრების მთავრი მიზანი, გაეროს სურსათისა და სოფლის მეურნეობის ორგანიზაციის გენერალური დირექტორის თანამდებობაზე საქართველოს პრემიერ მინისტრის მრჩეველის, დავით კირვალიძის კანდიდატურის წარდგენა იყო. დავით კირვალიძემ დაინტერესებულ მხარეებს საკუთარი ხედვა და სამომავლო გეგმები გააცნო და იმედი გამოთქვა, რომ მხარეები ერთად შეძლებენ წარმატების მიღწევას და თანამედროვე გამოწვევებს დროულ და ადეკვატურ პასუხებს გასცემენ. ლევან დავითაშვილის განცხადებით, საქართველოს ჰყავს ღირსეული კანდიდატი, რომელიც იქნება ყველა ქვეყნის ინტერესების დამცველი საერთაშორისო ასპარეზზე და ხელს შეუწყობს ორგანიზაციის მიზნების მიღწევას თანაბარი ჩართულობის პრინციპების დაცვით.

გამართულ ორმხრივ შეხვედრებს, გარემოს დაცვისა და სოფლის მეურნეობის მინისტრთან ერთად, საქართველოს პრემიერ-მინისტრის მრჩეველი სოფლისა და სოფლის მეურნეობის განვითარების საკითხებში, დავით კირვალიძე, საქართველოს საგანგებო და სრულუფლებიანი ელჩი იტალიის რესპუბლიკაში, კონსტანტინე სურგულაძე და გარემოს დაცვისა და სოფლის მეურნეობის მინისტრის მოადგილე ხატია წილოსანი ესწრებოდნენ.

(NS)

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა