„ხელისუფლება ისრების გადატანას ცდილობს, რეალურ დამკვეთებს არ სჯის“, - ასე გამოეხმაურა „ევროპული საქართველოს“ ერთ-ერთი ლიდერი გიგა ბოკერია ფარული ჩანაწერების გავრცელების საქმეზე მიმდინარე გამოძიებას.

როგორც ბოკერიამ აღნიშნა, ამ საკითხში ხელისუფლებას ნულოვანი ნდობა აქვს.

„წლებია გრძელდება ამ საშინელი სიბინძურის საჯარო სივრცეში პოლიტიკური მიზნებით გამოყენება. ასეთი მომენტები დგება როცა საკუთარ გუნდში ხელისუფლებას ვინმეს შერისხვა უნდა. ჩვენ ვერცერთ შემთხვევაში ვერ მივიღეთ პასუხი ვინ დგას ამ ყველაფრის უკან. ახლა როცა საზოგადოებრივი წნეხი გაიზარდა, ოპოზიციის აქტივისტები დააკავეს. ეს ტოვებს საფუძვლიან ეჭვს რომ ხელისუფლების მიზანი ისრების გადატანაა. ხელისუფლება არ ებრძვის რეალურ დამკვეთებს, არც იმათ ვინც ეს სიბინძურის მანქანა ამოქოქა. მთელი ამ წლების განმავლობაში ჩვენ ვერ მივიღეთ პასუხი, ვინ იდგა ამ საზიზღარი მანქანის უკან და ეხლა როდესაც საზოგადოებრივი წნეხი გაიზარდა, ჩვენ ვიღებთ რეაქციას, რომ ოპოზიციის აქტივისტების დაკავება ხდება და რათქმა უნდა ეს ტოვებს საფუძვლიან ეჭვს, რომ პოლიტიკური პიარის და ისრების გადასატანდ ქონდა და ეს ხელისუფლება არანაირად არ ებრძვის რეალურ არც დამკვეთებს, არც იმათ ვინც ამოქოქა ეს სიბინძურის მანქანა კიდევ ერთხელ და კიდევ ერთხელ ეს აძლიერებს ეჭვებს კავშირზე თვითონ პოლიტიკური ხელისუფლებისა ამ ყველაფრის გაკეთებასთან . თავისთავად ეს ნაბიჯი რომ ოპოზიციის აქტივისტები აღმოჩნდნენ მათი პიარის მთავარი ობიექტი“, - განაცხადა გიგა ბოკერიამ.

შეგახსენებთ, შსს-მ ფარულ ვიდეოჩანაწერებთან დაკავშირებით 16 პირი დააკავა. დაკავებულებს შორის ენმ-ის ორი აქტივისტია.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო