პრემიერ-მინისტრი მამუკა ბახტაძე სტრასბურგის სასამართლოს გადაწყვეტილებას, რომლის თანახმადაც რუსეთმა საქართველოს 10 მილიონი ევროს ოდენობის ჯარიმა უნდა გადაუხადოს, დადებითად შეაფასა. 

როგორც პრემიერმა მთავრობის სხდომის დაწყებამდე ჟურნალისტებს განუცხადა, ამ გადაწყვეტილებით სამართალმა იზეიმა.  

“მინდა შევეხო მნიშვნელოვან გამარჯვებას. სტრასბურგის სასამართლომ დეპორტირებულების საქმეზე რუსეთს საქართველოს მოქალაქეების სასარგებლოდ 10 მილიონი ევროს ოდენობის მორალური კომპენსაციის გადახდა დააკისრა. შეგვიძლია თამამად განვაცხადოთ, რომ სამართალმა იზეიმა. მინდა ხაზგასმით აღვნიშნო - რომ არა 2014-2015 წლებში იუსტიციის სამინისტროს მიერ გაწეული უზარმაზარი სამუშაო, კომპენსაციას მხოლოდ 118 პირი მიიღებდა, რადგან წინა ხელისუფლებამ ადამიანის უფლებათა ევროპულ სასამართლოს მხოლოდ 118 მოქალაქის მონაცემები მიაწოდა. 2014 წლიდან 2016 წლამდე ძალიან დიდი სამუშაო იქნა გაწეული, დამუშავდა და სასამართლოს გადაეგზავნა 1500 მოქალაქის მონაცემი, რომლებიც მიიღებენ ამ კომპენსაციას. ეს არის ძალიან დიდი გამარჯვება და მინდა დიდი მადლობა გადავუხადო ყველას, ვინც ამ პროცესში იყო ჩართული“, - განაცხადა პრემიერმა.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო