საქართველოს პრემიერ-მინისტრი მამუკა ბახტაძე მოსამართლეების გამწესების საკითხს ეხმაურება. 

როგორც ბახტაძემ მთავრობის სხდომის დაწყებამდე განაცხადა, მისთვის მიუღებელია, რომელიმე ჯგუფმა მოსამართლეების სიის შესახებ დაწყებული საკითხის „უკანონო პრივატიზება“ მოახდინოს.

„ჩემთვის მიუღებელია ამ თემის უკანონო პრივატიზაცია, გარკვეული პოლიტიკური ჯგუფების მხრიდან, ვინაიდან ეს არის საერთო საზრუნავი. ჩვენმა პოლიტიკურმა გუნდმა ერთმნიშვნელოვნად განაცხადა და ეს არის ჩემი პრინციპული პოზიცია, რომ აუცილებლად უნდა მოხდეს კრიტერიუმებისა და პროცედურების გაწერა და დადგენა საერთო ჩართულობით, რომლის მიხედვითაც, იქნებიან შერჩეული შესაბამისი მოსამართლეები. საქართველოს მთავრობა არასოდეს ჩაერევა დამოუკიდებელი შტოს ფუნქციონირებაში, ეს დრო საქართველოში დასრულდა, დარწმუნებული ვარ, არცერთ ჩვენგანს არ სურს, იცხოვროს იმ დროში, როცა პოლიტიკური ხელმძღვანელობის პირი რეკავდა სასამართლოში და სასამართლოს ისე ალაგებდა, როგორც სურს. მივისწრაფით ევროპისკენ, რეფორმებს, რომელიც ხორციელდება, აქვს დადებითი შეფასება ევროპელი პარტნიორების მხრიდან“, - აღნიშნა მამუკა ბახტაძემ.

ავტორი: ,

სოციალური ქსელები

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება