ჭავჭავაძის გამზირზე მომხდარ ავარიაში მონაწილე სასწრაფოს მძღოლის ადვოკატი ვახტანგ თალაკვაძე ბრალდებულის ფსიქოლოგიურ და ფსიქიკურ ექსპერტიზებს მოითხოვს.

როგორც თალაკვაძემ აღნიშნა, მისი დაცვის ქვეშ მყოფს ბრალი საავადმყოფოში წარუდგინეს. მისივე თქმით, მას ბრალი საქართველოს სისხლის სამართლის კოდექსის 276-ე მუხლის მეხუთე და მესამე ნაწილებით წარედგინა, რაც გულისხმობს ერთი ადამიანის სიცოცხლის მოსპობას, ხოლო დანარჩენი ორი პირის სხეულის მძიმე დაზიანებას. 

"ძნელი წარმოსადგენი არ გახლავთ ის გარემოებაც, რომ ფსიქოლოგიური და ფიზიკური მდგომარეობა აღნიშნული მედპერსონალისა ძალზედ გადატვირთული და მძიმეა. ვამბობ, რომ უნდა ჩატარდეს ფსიქიკური და ფსიქოლოგიური ექსპერტიზა, რომელიც დაადგენს, რომ მომხდარის დროს, რამდენად იყო შესაძლებელი ამ პიროვნებას დაეკარგა გონება ან დაეძინა", - განაცხადა ადვოკატმა. 

ცნნობისთვის, ჭავჭავაძის გამზირზე ავტოსაგზაო შემთხვევა გუშინ მოხდა. სასწრაფო დახმარების ავტომობილი გზის სავალი ნაწილიდან გადავიდა და მშენებარე კორპუსთან მდებარე ფარდულს დაეჯახა, სადაც მუშები იმყოფებოდნენ. ინციდენტის შედეგად ერთი ადამიანი დაიღუპა, 12 კი, დაშავდა. 

ავტორი: ,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა