„მე არ გავხდები იმ პარლამენტის თავმჯდომარის მოადგილე არასოდეს, რომელსაც პრინციპულ საკითხებთან და ფასეულობებთან დაკავშირებით არ ექნება სახელმწიფოებრივი პოზიცია“, - ამის შესახებ დეპუტატმა ეკა ბესელიამ „ტვ პირველის“ ეთერში განაცხადა.

ბესელიამ გუნდში არსებულ დაპირისპირებაზე ისაუბრა და აღნიშნა, რომ მისი მთავარი მოთხოვნაა, იუსტიციის უმაღლესმა საბჭომ მოსამართლეების სია პარლამენტიდან გაიწვიოს.

„მე ვისურვებდი, რომ პარლამეტის თავმჯდომარეს ასევე ჰქონდეს პრინციპული პოზიცია მოსამართლეების საკითხზე და აქვე ვამბობ, კიდევ სხვა შემოთავაზებებზე, რომ არ მოვისმინო ახალი ვერსიები - მე არ გავხდები იმ პარლამენტის თავმჯდომარის მოადგილე არასოდეს, რომელსაც პრინციპულ საკითხებთან და ფასეულობებთან დაკავშირებით არ ექნება სახელმწიფოებრივი პოზიცია. მშვიდობაში ის კაბინეტები და თანამდებობები დამითმია მათთვის, ვინც ამ მიზნით მოვიდა პოლიტიკაში. ჩემთვის წყალგამყოფი არის თემა, რომელიც უკავშირდება ჩვენი შვილების ხვალინდელ მომავალს. "ქართული ოცნება" ხელისუფლებაში არ იქნება იმდენი დროით, რამდენი ხნითაც ჩვენ ამ მოსამართლეებს ვირჩევთ. ვის ხელში იქნება ჩვენი შვილების მომავალი და ამ ქვეყნის მომავალი, დამოკიდებულია ამ პროცესზე. ჩემი მოთხოვნაა, ვიდრე ასეთი ტონალობით ვისმენ კომენტარებს - "ყველამ დაიცვას წესები და გუნდურობა", კიდევ ერთხელ ვამბობ, იმან უნდა დაიცვას ეს წესები ვინც არღვევს და მე არ ვურჩევ არავის ამ ტონალობაში ჩემთან საუბარს. არავის ვემუქრები, ეს არის ზრუნვით განპირობებული პოზიცია. გული მტკივა, ეს გუნდი თუ პოლიტიკური ძალა, ჩემს თვალწინ დაიბადა და არ მინდა დავინახო, რომ ჩვენ დავშორდეთ ამ ღირებულებებს. თავი დაანებოს ყველამ ჩემს გამოცდას და თითის ქნევას.  მოსამართლეების სია უნდა გაიწვიოს იუსტიციის საბჭომ უკან.  ეს სია დღესაც პარლამენტში დევს და ვერ ვხვდები რატომ“, - განაცხადა ეკა ბესელიამ.

ავტორი: ,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს