საქართველოს პრემიერ-მინისტრ მამუკა ბახტაძის განცხადებით, ოპოზიციის ბრალდებებთან დაკავშირებით წინა გამოცდილება იძლევა საშუალებას ითქვას, რომ ხშირ შემთხვევაში „საქმე გვაქვს ფეიქ ნიუსთან“.

პრემიერი გამოეხმაურა გავრცელებულ ინფორმაციას, რომ ქვეყნის პრეზიდენტი სალომე ზურაბიშვილი ამ დრომდე იღებს სხვადასხვა კომპანიებისგან შემოწირულობას და ამასთან, ეს კომპანიები გამოცხადებულ ტენდერებში იმარჯვებენ. 

ბახტაძის მტკიცებით, თუ ოპოზიციის ბრალდებები არგუმენტებითა და ფაქტებით იქნება გამყარებული, ის პირველი დაინტერესდება საკითხით. 

„თუ ოპოზიციას აქვს ეჭვი და აქვს კონკრეტული ფაქტები, პირველ რიგში, მე ვიქნები დაინტერესებული, რომ ეს ფაქტები მოვისმინოთ. ჩვენ ბევრჯერ მოგვისმენია მათგან მსგავსი ბრალდებები და სამწუხაროდ, შემდეგ ეს აღმოჩენილა „ფეიქ ნიუსი“. ჩვენ გვაქვს პროცესი, რომელიც მიმდინარეობს. არჩევნების დასრულებით ქვეყნაში არც ეკონომიკური და არც სოციალური ცხოვრება არ სრულდება, ეს პროცესი არის მუდმივი და აქედან გამომდინარე, ჩვენ თითოეულ შემთხვევას ცალკე უნდა ჩავუღრმავდეთ. თუ მასში გამოიკვეთება რაიმე დეტალი, თუ სამოქალაქო საზოგადოება, ან თუნდაც ოპოზიციური პარტიები აღმოაჩენენ მასში რაიმე კონკრეტულ ეპიზოდს, რომელიც გამაგრებული იქნება შესაბამისი არგუმენტებით, მე გაძლევთ პირობას, რომ ვიქნები პირველი დაინტერესებული, რომ პროცესი განვიხილოთ“, - აღნიშნა ბახტაძემ.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო