„ადამიანი სოციალურ შემწეობას რომ იღებს სახელმწიფოსგან და იმის ნახევარს უშვებს სიგარეტში, ეს უკვე დანაშაულია მისი ოჯახის და მისი შვილების წინაშე. ადამიანები ამ ნარკოტიკს უნდა შეეშვან!“, - ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ საფინანსო-საბიუჯეტო კომიტეტის სხდომაზე განაცხადა.

იგი დეპუტატ დავით ჭიჭინაძეს გამოეხმაურა, რომელმაც აღნიშნა, რომ სიგარეტის მომხმარებელთა დიდი ნაწილი სოციალურად დაუცველია და ფასის გაზრდით ისინი ზარალდებიან.

აკაკი ზოიძემ სიგარეტით გამოწვეულ საფრთხეებზე და მომხმარებელთა რაოდენობის შესამცირებლად განსახორციელებელ რეგულაციებზე ისაუბრა.

„როდესაც ისეთი საუბარი მიდის, რომ სიგარეტი სასიცოცხლოდ აუცილებელია, რომ ადამიანს ჯერ სამსახური ვუშოვოთ და მერე დაანებებს თავს, ეს მიუღებელია. მთელ მსოფლიოში ცნობილია, რომ სიგარეტი არის ერთადერთი პროდუქტი, რომლის დანიშნულებისამებრ მოხმარება კლავს მომხმარებელს. არანაირი დადებითი თვისება სიგარეტს არ გააჩნია. ეს არის ავადმყოფობა, დამოკიდებულება, ნარკოდამოკიდებულება, რომელსაც სახელმწიფომ უნდა შეუწყოს ხელი, რომ მოსახლეობა ამისგან გათავისუფლდეს. მეორე საკითხი არის ჯანსაღი ცხოვრების წესი. გეთანხმებით, რაც შეიძლება მეტი სპორტულ-გამაჯანსაღებელი კომპლექსი უნდა იყოს ქვეყანაში, მაგრამ მარტივ ფაქტს გეტყვით, დღეში 30 წუთი სიარული ნორმალური ტემპით, არის არის საკმარისი იმისთვის, რომ ადამიანს ჰქონდეს ძალიან ჯანმრთელი გულსისხლძართვა სისტემა და მის ჯანმრთელობას ძალიან დიდი სარგებელი მისცეს. ამას არ სჭირდება არანაირი სპორტულ-გამაჯანსაღებელი კომპლექსები, შეიძლება ეს ყველაფერი ბუნებაში გააკეთოს. 11 ათასი ადამიანი იღუპება ყოველდღიურად სიგარეტით გამოწვეული დაავადებებისგან, სიგარეტი არის მიზეზი სიღარიბისა, იმიტომ რომ ის თანხა რაც მისდის ღარიბებს ამ სიგარეტის შეძენაზე აკლდება მის ოჯახის გადაუდებელი საჭიროების მოხმარებას. თითოეულ ადამიანს კითხეთ, რომ ეწევა უნდა თუ არა ? არ უნდა, ეს არი ყველაზე კარგი ინდიკატორი იმისა, თუ რას ნიშნავს სიგარეტის მოწევა. ამიტომაც ჩვენ ვაძლევთ საშუალებას, რომ დაანებოს. კონკრეტულად აქციზის ფასის მატებით, ის რომ 90 ევრო უნდა იყოს ათას ღერზე და ეს არის ჩვენი ვალდებულება, ამ ფასის მიღწევით ჩვენ გადავარჩენთ 35 ათასი ადამიანის სიცოცხლეს 15 წლით ადრე სიკვდილისაგან და 2,2 მილიარდ ლარს წმინდა ეკონომიკურ სარგებელს მივიღებთ იმითი, რომ თავიდან ავიცილებთ ჯანდაცვის დანახარჯებს, რომელიც უშუალოდ სიგარეტის მოხმარებასთან არის დაკავშირებული. ფასის თითოეული 10%-იანი მატება ჩვენნაირ ქვეყნებში, იწვევს 5%-იან შემცირებას მოხმარების“, - განაცხადა აკაკი ზოიძემ.

ავტორი: ,

სოციალური ქსელები

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?

გვარამია -ყველა, ვინც სოციალური მიზიდულობის პერსონაა, თუნდაც არანაირ კავშირში არ მყოფი პოლიტიკურ საქმიანობასთან, ფრთხილად რომ უნდა იყოს