„მე როგორც შინაგან საქმეთა მინისტრი, სრულ პასუხისმგებლობას ვიღებ იმაზე რაც მოხდა და მზად ვარ, როგორც კი დაიწყება გამოძიება სამოხელეო გადაცდომებზე, პირველმა მივცე ჩვენება“, - ამის შესახებ შინაგან საქმეთა მინისტრმა გიორგი გახარიამ პარლამენტის რიგგარეშე სესიას, ხორავას ქუჩის საქმესთან დაკავშირებით განაცხადა.

როგორც  მინისტრმა აღნიშნა, პასუხისმგებლობა დროებით საგამოძიებო კომისიასაც ეკისრება, რომელმაც მისი შეფასებით, ვერ დაადასტურა, იყო თუ არა გადაცდომა მოხელეების მხრიდან.

„ხორავას ქუჩის საქმე უმძიმესი თემაა არა მხოლოდ პირადად ჩემთვის, შინაგან საქმეთა სამინისტროსთვის, არამედ ქვეყნისთვის. აქ საუბარი უფრო ვრცლად მოგვიწევს. არავის ეგონოს, რომ ვინმე ამ თემასთან დაკავშირებით პასუხისმგებლობას არ გრძნობს. მე როგორც შინაგან საქმეთა მინისტრი, სრულ პასუხისმგებლობას ვიღებ იმაზე რაც მოხდა და კიდევ ერთხელ გიდასტურებთ, რომ მიუხედავად იმისა, რომ დღესაც არ ვიცით, ის საგამოძიებო მოქმედებები, რომელიც არ ჩატარდა იყო განზრახ არ ჩატარებული, იქონია ამან საბოლოო შედეგზე გავლენა თუ არა და აქედან გამომდინარე, მეც მზად ვარ ერთმნიშვნელოვნად, როგორც კი დაიწყება, და ვთვლი, რომ უნდა დაიწყოს სამოხელეო გადაცდომებზე სისხლის სამართლის საქმე, პირველი მივიდე და მივცე ჩვენება. ისევე როგორც თქვენ თქვენი მხრიდან უნდა აიღოთ ის პასუხიმსგებლობები, რომელიც ჰქონდა კომისიას და რომელიც უნდა შეესრულებინა. ჩემი ღრმა რწმენით, კომისიის ფუნქცია მდგომარეობდა იმაში, რომ მას აშკარად დაედასტურებინა მოხელეების მხრიდან გადაცდომა იყო თუ არა, კომისიამ სამწუხაროდ ეს ვერ დაადასტურა“ , - განაცხადა გიორგი გახარიამ.

ავტორი: ,

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია