„საჭიროა ობიექტური, მიუკერძოებელი შეფასება, იმიტომ, რომ ეს ძალიან მგრძნობიარე თემაა“, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ, ზუგდიდის მე-6 საჯარო სკოლის დირექტორის, ია კერზაიას საქმესთან დაკავშირებით განაცხადა.

როგორც მან აღნიშნა, კომიტეტი სამინისტროსთან ერთად ყველა გარემოებაზე იმსჯელებს.

„ვფიქრობ, რომ კომიტეტი სამინისტროსთან ერთად ყველა გარემოებაზე იმსჯელებს, ყველა საკითხს გულდასმით ჩაჰყვება და მნიშვნელოვანი არის, რომ ამ მძიმე ფონზე, როდესაც გარდაიცვალა ადამიანი, საჭირო არის ობიექტური შეფასება, ობიექტური, მიუკერძოებელი შეფასება, იმიტომ, რომ ეს ძალიან მგრძნობიარე თემაა“, - განაცხადა ეკა ბესელიამ.

შეგახსენებთ, გუშინ, ზუგდიდის მეექვსე სკოლის დირექტორი ია კერზაია გარდაიცვალა. იგი ქუთაისის ინტერვენციული მედიცინის კლინიკაში ინსულტით რამდენიმე დღის წინ მოათავსეს, თუმცა ექიმებმა მისი გადარჩენა ვერ შეძლეს. ია კერზაიას შვილმა, ბაჩანა შენგელიამ განაცხადა, რომ დედამისი პოლიტიკური დევნის მსხვერპლია. პოლიტიკურ ზეწოლაზე ია კერზაია თავადაც საუბრობდა. მან აღნიშნა, რომ მას შემდეგ, რაც პედაგოგების საარჩევნო პროცესში უკანონოდ ჩართვაზე უარი თქვა, ანონიმური წერილის საფუძველზე გენერალურმა ინსპექციამ თბილისიდან ზუგდიდში ორი თანამშრომელი გაგზავნა და მეექვსე სკოლის შემოწმება დაავალა.

ავტორი: ,

სოციალური ქსელები

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა