„თუ ჩვენ გვინდა, რომ შევდგეთ, როგორც სახელმწიფო, როგორც დემოკრატიული საზოგადოება, აუცილებელია, ყველა ასეთ ფაქტს ჰქონდეს რეაგირება სამოქალაქო საზოგადოების მხრიდან“, - ამის შესახებ გაერთიანებული ოპოზიციის ერთ-ერთმა ლიდერმა, გიორგი ვაშაძემ ია კერზაიას საქმესთან დაკავშირებით, დღეს გამართულ ბრიფინგზე განაცხადა.

მან ზუგდიდის მეექვსე სკოლის დირექტორის ოჯახს მიუსამძიმრა და აღნიშნა, რომ კერზაიაზე განხორციელებულ სავარაუდო ზეწოლის ფაქტზე ობიექტური გამოძიება უნდა ჩატარდეს.

„მე გამოვთქვამ იმედს, რომ საზოგადოების თითოეული წევრი დადგება ბაჩანა შენგელიას და მთელი ოჯახის გვერდით ამ საქმის დეტალურად შესწავლასთან დაკავშირებით. თუ ჩვენ გვინდა, რომ შევდგეთ, როგორც სახელმწიფო, როგორც დემოკრატიული საზოგადოება, აუცილებელია, ყველა ასეთ ფაქტს ჰქონდეს რეაგირება სამოქალაქო საზოგადოების მხრიდან, თითოეული ჩვენგანის მხრიდან იმიტომ, რომ დაუშვებელია მსგავსი რამ ხდებოდეს 21-ე საუკუნეში, ქვეყანაში, რომელსაც პრეტენზია აქვს ევროკავშირის წევრობაზე და ქვეყანაში, რომელსაც პრეტენზია აქვს დემოკრატიის განვითარებაზე“, - განაცხადა გიორგი ვაშაძემ.

შეგახსენებთ, გუშინ, ზუგდიდის მეექვსე სკოლის დირექტორი ია კერზაია გარდაიცვალა. იგი ქუთაისის ინტერვენციული მედიცინის კლინიკაში ინსულტით რამდენიმე დღის წინ მოათავსეს, თუმცა ექიმებმა მისი გადარჩენა ვერ შეძლეს. ია კერზაიას შვილმა, ბაჩანა შენგელიამ განაცხადა, რომ მისი დედა პოლიტიკური დევნის მსხვერპლია. მანვე აღნიშნა, რომ ზეწოლა განათლების სამინისტროსგან მოდიოდა.

ავტორი: ,

სოციალური ქსელები

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა