ე.წ. „სააფთიაქო ნარკომანიის“ სფეროში ფსიქოტროპული საშუალებების უკანონო ბრუნვის საქმეზე დაკავებულ შპს „რეგიონული ჯანდაცვის ცენტრის“ დირექტორის ყოფილ მოადგილე ნუგზარ ჯანჯღავას აღკვეთის ღონისძიების სახით პატიმრობა შეეფარდა.  

როგორც პროკურორმა მაია სილაგაძემ აღნიშნა, ბრალდების მხარეს მოპოვებული აქვს არაერთი პირის ინფორმაცია, რომ ნუგზარ ჯანჯღავა თანხის სანაცვლოდ აფთიაქებს მფარველობდა.

"საქმეში მოპოვებული გვაქვს არაერთი პირის მიერ მიწოდებული ინფორმაცია, რომლებიც ადასტურებენ, რომ ნუგზარ ჯანჯღავას უხდიდნენ ყოველთვიურად თანხას, რათა გარკვეული მფარველობა განეხორციელებინა მათ აფთიაქებზე. ამის დასადასტურებლად  წარმოდგენილია სასამართლოში არაერთი მტკიცებულება  და სასამართლომ გაიზიარა  ბრალდების მხარის არგუმენტაცია და სწორედ ამიტომაც დრევანდელ სასამართლო სხდომაზე ნუგზარ  ჯანჯღავას შეეფარდა აღკვეთის ღონისძიების სახით პატიმრობა“, - განაცხადა პროკურორმა მაია სილაგაძემ.

თავის მხრივ, დაცვის მხარე გირაოს შეფარდებას ითხოვდა და აღნიშნავდა, რომ ჯანჯღავას მიმართ მტკიცებულებები არ არსებობს, თუმცა მოსამართლემ ადვოკატების მოთხოვნა არ დააკმაყოფილა.

„არ არსებობს მტკიცებულება კონკრეტული პირდაპირი  მტკიცებულება იმისა რომ  ბატონმა ჯღარკავამ ვინმესგან აირო კონკრეტული  სახის თანხა და გადასცა  დაუშვათ თვალავაძეს . გადაწყვეტილება გასაჩივრდება 48 საათის განმავლობაში  აუცილებლად“, - განაცხადა ადვოკატმა ლალი აფციაურმა.

ცნობისთვის, სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა 4 დეკემბერს დააკავეს. გამოძიების ინფორმაციით, თბილისსა და გორში, აფთიაქების მფლობელები, 2017 წლის სექტემბრიდან 2018 წლის ივლისის ჩათვლით, ყოველთვიურად ფსიქოტროპული მედიკამენტების უნებართვოდ რეალიზაციის მფარველობისთვის, სსიპ „სამედიცინო საქმიანობის სახელმწიფო რეგულირების სააგენტოს“ უფროსისთვის - გია თვალავაძისთვის გადასაცემად ნუგზარ ჯ-ს დიდი ოდენობით თანხებს უხდიდნენ.

ავტორი: ,

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის