"ჩემთვის დიდი პატივია ვიმყოფებოდე თქვენს გვერდით ასეთ მნიშვნელოვან წუთებში, როდესაც შინაგან საქმეთა  სამინისტრო და ყველა თქვენგანი მნიშვნელოვან ნაბიჯებს დგამთ, რათა შექმნათ ეფექტური საპოლიციო სისტემა საქართველოში. ევროკავშირის დელეგაციის სახელით,  მსურს გამოვხატო ჩემი ძლიერი მხარდაჭერა თქვენი , სამინისტროს  და მართლწესრიგის ოფიცრების ყოველდღიური საქმიანობის მიმართ“ - ამის შესახებ ევროკავშირის დელეგაციის წარმომადგენელმა  პიტერ დენისმა მართლწესრიგის ოფიცრების პრეზენტაციაზე განაცხადა. 

პიტერ დენისის თქმით, ხაზგასასმელია ის ფაქტორი, რომ მართლწესრიგის ოფიცრები მოემსახურებიან საზოგადოებრივ წესრიგს და უფრო მჭიდრო ხიდი გაიდება პოლიციასა  და საზოგადოების წევრებს შორის.

"ჩვენ მზაობას ვაცხადებთ,  რომ მჭიდროდ ვითანამშრომლოთ საქართველოს შინაგან საქმეთა სამინისტროსთან. არაერთი სამუშაო შეხვედრის ორგანიზება მოვახდინეთ, იყო  ვიზიტები ჰოლანდიაში. სამინისტროს წარმომადგენლებმა ევროკავშირის წევრი ქვეყნების საუკეთესო პრაქტიკა   შეითვისეს.  მართლწესრიგის ოფიცერი ეს  არის ახალი ცნება, თუმცა უფრო და უფრო მეტი ქვეყანა ისწრაფვის ამის დანერგვისკენ", - განაცხადა პიტერ დენისმა. 

დღევანდელ პრეზენტაციაზე მართლწესრიგის ოფიცრების ინსტიტუტსა  და ზოგადად რეფორმის მნიშვნელობაზე  ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს დირექტორმაც ისაუბრა.

"მართლწესრიგის ოფიცრის ინსტიტუტი ემსახურება პრევენციული ღონისძიებების განხორციელებას და აგრეთვე, მოწყვლად ჯგუფებთან დაკავშირებული პრობლემების გამოწვევაზე რეაგირებას. აუცილებელია, რომ ჩვენი სამართალდამცავი უწყებები უფრო და უფრო გაძლიერდეს და ორიენტირებული იყოს პრევენციულ ღონისძიებებზე,  ყურადღება გამახვილდეს ძალადობასა და სხვადასხვა დანაშაულებრივი ქმედებებზე დროულ რეაგირებაზე. თქვენ აქ შემთხვევით არ იმყოფებით, თქვენ ხართ პირველი ხიდი რომ საზოგადოებაში არსებული პრობლემების ნაპრალი ამოივსოს", - მიმართა მართლწესრიგის ოფიცრებს მაკ მაკმენმა. 

შინაგან საქმეთა სამინისტროს სისტემური განახლების ფარგლებში, დღეს თბილისში , კონკრეტულად კი ვაკე - საბურთალოს რაიონებში, მართლწესრიგის ოფიცრებმა მუშაობა დაიწყეს.
მართლწესრიგის ოფიცერი საზოგადოებაზე ორიენტირებული საპოლიციო საქმიანობის მოდელია, რომელიც მსოფლიოში დანაშაულის პრევენციის აპრობირებული ინსტრუმენტია.

(NS)

ავტორი: ,

სოციალური ქსელები

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა

ვლადიმერ ჭინჭარაულის მიღწევები - საქართველოს ბანკის კამპანია „რომელი ბრენდი იმსახურებს ჩემპიონს?“ გრძელდება

რომელ პროფესიულ აკადემიებში შეგიძლია ისწავლო ხელოვნური ინტელექტი BOG-ის სტიპენდიით?