„არჩევნების დღესთან დაკავშირებით ბევრი სპეკულაციები იყო, თუმცა ვხედავთ, რომ მოქალაქეები აქტიურად გამოხატავენ თავიანთ ნებას“, - ამის შესახებ „ქართული ოცნების“ საერთაშორისო მდივანმა, თამარ ჩუგოშვილმა პარტიის ცენტრალურ ოფისში გამართულ ბრიფინგზე განაცხადა.

მან კერძო დამსაქმებლებს, რომლებიც დღეს მუშაობენ, მოუწოდა, თანამშრომლებს შესაძლებლობა მისცენ, არჩევნებზე მივიდნენ და თავიანთი ნება გამოხატონ.

ჩუგოშვილი დარღვევებთან დაკავშირებით გავრცელებულ ინფორმაციებსაც გამოეხმაურა:

„მინდა გამოვეხმაურო რუსთავში უკვე მასიურ ფაქტებს ერთიანი ნაციონალური მოძრაობის მიერ ხელმეორედ ხმის მიცემის მცდელობებს. ჩვენ უკვე მოგაწოდეთ ინფორმაცია იმ უბნების და პირების შესახებ, რომლებსაც ასეთი მცდელობები ჰქონდათ. ამას ემატება 39-ე უბანზე მერი მამალაძის მიერ ასევე მცდელობა, რომ ხელმეორედ მიიღოს არჩევნებში მონაწილეობა, რასაც უკვე სისტემური ხასიათი აქვს. ეს ფაქტები დაადასტურა ცენტრალურმა საარჩევნო კომისიამაც, ეს არის მძიმე კანონდარღვევა და შესაბამისად ამ ყველაფერზე იქნება კანონით გათვალისწინებული რეაგირება.

ასევე, მინდა გამოვეხმაურო აბაშაში დაფიქსირებულ ფაქტს, რომელშიც ქართული ოცნების საკრებულოს წევრის მხრიდან ფიქსირდება დარღვევა, იგი მიყვება ამომრჩეველს ჯიხურში, რაც ასევე კანონდარღვევაა და აუცილებელია, რომ ამ დარღვევაზეც იყოს შესაბამისი კანონით გათვალისწინებული რეაგირება.

საერთო ჯამში არჩევნები მიმდინარეობს მშვიდ ვითარებაში, ძალიან ბევრი დამკვირვებელი აკვირდება ამ არჩევნებს, როგორც საერთაშორისო ორგანიზაციებიდან წარმოდგენილი, ისე ადგილობრივი ორგანიზაციებიდან წარმოდგენილი. ამომრჩეველს მოვუწოდებთ აქტიურობისკენ, ჩვენს წარმომადგენლებს საარჩევნო უბნებში თუ ჩვენს აქტივისტებს, რომ იმოქმედონ კანონის ფარგლებში და თუკი დარღვევას დააფიქსირებენ, ეს წერილობით იქნას დაფიქსირებული და მიაწოდონ ეს ინფორმაცია დამკვირვებლებს“, - განაცხადა თამარ ჩუგოშვილმა.

ავტორი: ,

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია