რუსეთის პრეზიდენტმა ვლადიმერ პუტინმა ქერჩის სრუტეში განვითარებული მოვლენები გერმანიის კანცლერთან ანგელა მერკელთან სატელეფონო საუბარში განიხილა, - ამის შესახებ ntv იუწყება.

მედია საშუალების ინფორმაციით, პუტინმა უკრაინული მხარის ქმედებებს პროვოკაციული უწოდა და საერთაშორისო უფლებების დარღვევად შეაფასა.

საუბრისას შეშფოთება გამოთქვეს, უკრაინაში სამხედრო მდგომარეობის გამოცხადების გამო. გარდა ამისა, პუტინმა განაცხადა, რომ კონფლიქტური სიტუაციის შექმნაზე პასუხისმგებლობა უკრაინას ეკისრება. კრემლის ლიდერმა იმედი გამოთქვა, რომ ბერლინი კიევზე გავლენას მოახდენს, რათა უკრაინამ გაუაზრებელი ნაბიჯები არ გადადგას.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ,

სოციალური ქსელები

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს

8 თვეში საქართველომ $12.5 მილიარდის საქონელი შეიძინა