საუდის არაბეთში თურქი ჟურნალისტი ბინ აბდულ აზიზ ალ-ჯასერი მოკლეს, - ამის შესახებ Tasnim იუწყება.

მედია საშუალების ინფორმაციით, ჟურნალისტი მარტში დააკავეს. წყაროს თქმით, ალ-ჯასერს სასჯელაღსრულების დაწესებულებაში აწამებდნენ, რის შედეგადაც ის გარდაიცვალა.

მედიის ცნობით, ალ ჯასერი Twitter-ზე ჩინოვნიკების და სამეფო ოჯახის წევრების მიერ ადამიანის უფლებების დარღვევების ფაქტების შესახებ წერდა. ის არაბმა ჯაშუშებმა დუბაიში, Twitter-ის ოფისში დააკავეს.

შეგახსენებთ, რომ მსგავსი ფაქტი თურქეთშიც მოხდა, კერძოდ კი, საუდის არაბეთის საკონსულოში. კერძოდ,  2 ოქტომბერს არაბი ჟურნალისტი ჯამალ ხაშოგი სტამბოლში საუდის არაბეთის გენერალურ საკონსულოში მივიდა, მას შემდეგ, რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს. ამის შემდეგ მისი კვალი იკარგება. ჟურნალისტის ცოლი ამბობს, რომ ის ქმარს საკონსულოსთან ელოდა, თუმცა ის შენობიდან აღარ გამოსულა. ჟურნალისტი ერ-რიადის მიმართ კრიტიკული განცხადებებით არის ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. 

ავტორი: ,

სოციალური ქსელები

პაპუაშვილი – გიორგი გველესიანმა თქვა ის, რისი მომსწრეც ყველა ვართ

პაპუაშვილი – ევროპელების ფული საქართველოში ფაშისტური იდეოლოგიის მქონე ჯგუფების თუ ადამიანების დასაფინანსებლად გამოიყენება

ქუჩებს სავსე ტრიბუნად გადავაქცევთ და ხმაურს მოედანზე გადავიტანთ - ქომაგობა არ ჩერდება

მზად მომავლისთვის - საბავშვო ანაბრის გახსნა უკვე თიბისი მობაილბანკიდან შეგიძლიათ