|
2015-06-12 13:37:32, 763 ნახვა
ეკონომიკა
სავალუტო ფონდი: საგარეო შოკებს ყველაზე კარგად თავი საქართველოს და თურქეთის ეროვნულმა ბანკებმა გაართვეს
საგარეო შოკებს ყველაზე კარგად რეგიონში თავი საქართველოს და თურქეთის ეროვნულმა ბანკებმა გაართვეს, - ამის შესახებ საერთაშორისო სავალუტო ფონდის სამხრეთ კავკასიისა და ცენტრალური აზიის რეგიონის ეკონომიკურ მიმოხილვაშია აღნიშნული. საქართველოში სავალუტო ფონდის მუდმივმა წარმომადგენლმა აზიმ სადიკოვმა ფონდის ეკონომიკური მიმოხილვა მთავრობის, ეროვნული ბანკის, დიპლომატიური კორპუსისა და ბიზნესსექტორის წარმომადგენლებს გააცნო. როგორც სადიკოვმა აღნიშნა, საერთაშორისო რეზერვების ხარჯვა ვალუტის გაუფასურებაზე სწორი პასუხი არაა. "ლარი სტაგნაციაში იყო, ბაზრის მიმართ ნდობის მაჩვენებელი სუსტია, ზრდა პირველ კვარტალში იყო ძლიერი, რაც დროებითი ფაქტორებით შეგვიძლია ავხსნათ, თუ შევხედავთ ეკონომიკის დონეს აპრილის თვეში, მან პირველ კვარტალთან შედარებით დაიკლო, მიუხედავად ამისა, ზრდის მაჩვენებელი 2 პროცენტი რჩება, იმპორტის და ექსპორტის კოლაფსმა ზეწოლა მოახდინა ლარზე. ეს სამმა ფაქტორმა განაპირობა-აზერბაიჯანში მანქანების ექსპორტის საკითხმა და უკარინა-რუსეთში არსებულმა სიტუაციამ. ზეწოლა რეგიონში ყველა ეროვნულმა ბანკმა განიცადა, მაგრამ ისინი შეეცადნენ ადეკვატური რეაგირება მოეხდინათ. თუმცა როდესაც საგარეო შოკები ხანგრძლივია. რეზერვის გამოტანა პასუხი არ არის, საჭიროა ეკონომიკა მოერგოს ახალ რეალიებს. მაგალითად, სომხეთმა დაკარგა საერთშორისო რეზერვების ნახევარი. მოცემულ სიტუაციაში საგარეო შოკებს ყველაზე კარგად რეგიონში თავი საქართველოს და თურქეთის ეროვნულმა ბანკებმა გაართვეს. რუსეთიც სწორად მოიქცა, თუმცა იქ გაუფასურების მაჩვენებელი ძალიან მაღალი იყო", - განაცხადა აზიმ სადიკოვმა. სავალუტო ფონდის მუდმივი წარმომადგენლის თქმითვე, ფონდი სრულად უჭერს მხარს საქართველოს ეროვნული ბანკის მონეტარულ პოლიტიკას, ასევე ეროვნული ვალუტის მცურავ რეჟიმში ყოფნას.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



