ტყიბულში მეშახტეები გაიფიცნენ

2018-11-02 19:16:22, 1345 ნახვა

საზოგადოება

ტყიბულში მეშახტეები გაიფიცნენ.

როგორც გაფიცულები აცხადებენ, მინდელის სახელობის შახტამ მუშაობა შეაჩერა. 25 მეშახტე ამ დრომდე შახტაში რჩება, ისინი იქ დილის 06:00 საათიდან იმყოფებიან.

მინდელის შახტის მე-6 საექსპლუატაციო უბნის სამთო ოსტატის ხვიჩა გაბუნიას თქმით, გაფიცვის მიზეზი კომპანიის შეტყობინება გახდა, რომლის თანახმადაც, ის გაკოტრდა და თანამრომლებს ხელფასს ვეღარ გადაუხდის.

„ჩვენი ძირეული მოთხოვნა არის, რომ დაგვეხმაროს სახელმწიფო შექმნილი მდგომარეობიდან გამომდინარე. ჩვენ ბატონ დავით ბეჟუაშვილმა შეგვიწყვიტა ყველა ის გადასახადი, რასაც გვიხდიდა აქამდე. კომპანიას არ აქვს ამის საშუალება იქიდან გამომდინარე, რომ საექსპლუატაციო უბნებში არ ხდება ქვანახშირის მოპოვება და ამ ყველაფრიდან გამომდინარე ჩვენც, მეშახტეები ვეღარ ვღებულობთ ხელფასს", - განაცხადა ხვიჩა გაბუნიამ.

გაფიცული მეშახტეები ფართომასშტაბიანი აქციებით იმუქრებიან.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები