შიდა ქართლის გუბერნატორი გიორგი ხოჯევანიშვილი „ექსპრესნიუსთან“ საუბრისას ამბობს, რომ ის და პროკურატურის ყოფილი თანამშრომელი მირზა სუბელიანი, სხვადასხვა მიმართულებით მუშაობდნენ და  მათი საქმიანობის სფეროები არ იკვეთებოდა.

თუ იცნობთ და რა სახის ნაცნობობა გაკავშირებთ მირზა სუბელიანთან?

- მირზა სუბელიანს ნამდვილად ვიცნობ. მართალია ერთ უწყებაში ვმუშაობდით, თუმცა ჩვენი საქმიანობის სფეროები არ იკვეთებოდა, ამიტომ მხოლოდ მისალმებით შემოიფარგლებოდა ჩვენი ნაცნობობა.

რა მიმართულებით მუშაობდით სასჯელაღსრულების სამინისტროში?

- სამინისტროში საერთაშორისო ურთიერთობის დეპარტამენტს ვკურირებდი, რაც თავის მხრივ არასამთავრობო სექტორთან და საერთაშორისო ორგანიზაციებთან ურთიერთობას გულისხმობს.

როგორ შეაფასებდით მირზა სუბელიანის მოსაზრებას თქვენთან მიმართებაში?

- ჩანაწერების მიხედვით, თუკი ეს ნამდვილად ავთენტურია, ეს არის მირზა სუბელიანის მოსაზრება, მას აქვს უფლება ჰქონდეს საკუთარი აზრი ნებისმიერ საკითხთან თუ პერსონასთან მიმართებაში, თუმცა ამ ვთვლი საჭიროდ ჩემი მხრიდან რაიმე კომენტარის გაკეთების აუცილებლობას, რადგანაც  სინამდვილეს არ შეესაბამება. რაც შეეხება სამსახურიდან შეცვლის საკითხს, ესეც ჩემი სურვილით მოხდა, ვინაიდან მივიღე საინტერესო შემოთავაზება და შესაბამისად, გავაგრძელე საქმიანობა კერძო სექტორში, რაზეც უკვე არაერთხელ მისაუბრია მედიასთან.

სუბელიანმა ჩანაწერში თქვენი ქონებრივი მდგომარეობაც ახსენა

- დიახ, თუმცა შეგიძლიათ გაეცნოთ ჩემ დეკლარაციას, ეს საჯაროა ყველასთვის და ამ საკითხზეც  არაერთხელ ვისაუბრე მედიასაშუალებებთან. ის, რა ქონებასაც ვფლობ, შეძენილია საოჯახო ბიზნესიდან მიღებული შემოსავლებით, დივიდენდითა და ასევე ჩემი სხვადასხვა წლებში გაკეთებული დანაზოგებით. ასევე, ჩემი საკუთრების დიდი ნაწილი მემკვიდრეობით მაქვს მიღებული.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ