„მე როგორც ვიცი, ფორმალურად პრეზიდენტს რომ სურვილი ჰქონოდა შეწყალების, ამის პრობლემა არ ჰქონდა, მაგრამ მე ვერ წარმომიდგენია და არც ვთვლი, რომ ვიღაც ადამიანები უნდა დავაყენო ასეთი დარტყმის ქვეშ“, - ამის შესახებ ყოფილმა პრემიერ-მინისტრმა ვანო მერაბიშვილმა „რუსთავი 2“-თან ინტერვიუში განაცხადა.

როგორც მან აღნიშნა, პრეზიდენტმა კარგად იცის, რომ მისი შეწყალება ძალიან სარისკოა.

„მშვენივრად იცის მარგველაშვილმა, რომ ჩემი გათავისუფლება მისთვის ძალიან სარისკოა. ალბათ იმხელა ზეწოლებია, მაშ შორის მარგველაშვილის მიმართ, რომ ისიც ვერ გაბედა, კენჭი ეყარა. იცის რა სასტიკად ექცევა ეს ხელისუფლება, პირველ რიგში ბიძინა ივანიშვილი, ოპონენტებს. საერთოდ მე არ მიყვარს ადამიანების ჩაყენება დარტყმის ქვეშ ჩემს გამო“, -აღნიშნა მერაბიშვილმა.

მანვე განაცხადა, რომ სამართლიანი სასამართლოს იმედი არ ჰქონდა, თუმცა ქვეყნიდან წასვლის გადაწყვეტილება მაინც არ მიიღო.

„მშვენივრად ვიცოდი, ადამიანები ჩემთან მოდიოდნენ და მეუბნებოდნენ, რომ ჩემს წინააღმდეგ ჩვენების მისაცემად დაჰყავდათ. როგორც იქცეოდნენ, უკვე აშკარა იყო, რომ არანაირ სამართლიან სასამართლოზე საუბარი ზედმეტი იყო. მე რა თქმა უნდა დარწმუნებული ვიყავი ჩემს სიმართლეში მაგრამ მთავარი მაინც იყო პრინციპი. ეს ჩემი არჩევანია, ეს გავაკეთე ჩემი თავისთვის და ჩემი სიამაყისთვის. ამავე დროს იყო ის გარემოებაც, რომ მე არ მინდოდა, ჩემს გამო ჩემი მეგობრები უფრო დიდი წნეხის ქვეშ მოქცეულიყვნენ და ჩემს გამო შური ეძიათ. მე მომიწია ლიდერად ყოფნა და ჩავთვალე, რომ უნდა დავრჩენილიყავი და ჩემ თავზე უნდა ამეღო ბევრი დარტყმა, რომელსაც მოველოდი“, -განაცხადა ვანო მერაბიშვილმა.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ