რუსეთის ყოფილი პრეზიდენტის დიმიტრი მედვედევის მიერ შექმნილი გორჩაკოვის ფონდის დაფინანსებით, 13-14 ოქტომბერს თბილისში ახალგაზრდა დიპლომატთა ფორუმი გაიმართება.

ამის შესახებ ინფორმაცია რუსული სახელისუფლებო ფონდის ოფიციალურ გვერდზე გავრცელდა.

ფონდის ცნობით, ფორუმის მიზანია რუსი და ქართველი ახალგაზრდების ურთიერთობისთვის საერთო სივრცის შექმნა. 

"პროექტი ხელს შეუწყობს საქართველო-რუსეთის ურთიერთობების დალაგებას და დიალოგის დამყარებას. მონაწილეები შეიმუშავებენ საქართველოში რუსული დიასპორის სტატუსის გაზრდის მექანიზმებს, მათ შორის საქართველოში ამ დიასპორის გაზრდის მიმართულებით. ფორუმში მონაწილეობას ქართველი და რუსი პოლიტიკოსები, მეცნიერები, კულტურის სფეროში მომუშავე ადამიანები და ახალგაზრდა ლიდერები მიიღებენ", - ნათქვამია მედვედევის მიერ დაფინანსებული ფონდის ინფორმაციაში.

ცნობისთვის, გორჩაკოვის ფონდი 2010 წელს რუსეთის იმჟამინდელი პრეზიდენტის, დიმიტრი მედვედევის განკარგულებით შეიქმნა. მისი დამფუძნებელი რუსეთის საგარეო საქმეთა სამინისტროა.

შეგახსენებთ, რომ 5 სექტემბერს თბილისში რუსეთის პრეზიდენტის ვლადიმერ პუტინის გრანტით დაფინანსებული მედიაფორუმი გაიმართა. ფორუმის პარალელურად მოქალაქეებმა საპროტესტო აქცია გამართეს.  

ავტორი: ,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა