პრემიერ-მინისტრი მამუკა ბახტაძე დღეს ძიუდოში მსოფლიო ჩემპიონს, გურამ თუშიშვილს, მსოფლიო ჩემპიონატის ვერცხლისა და ბრინჯაოს პრიზიორებს - ვარლამ ლიპარტელიანსა და ამირან პაპინაშვილს შეხვდა. პრემიერმა პირადად მიულოცა გამარჯვება ქართველ ძიუდოისტებს და შემდგომი წარმატება უსურვა მათ.

შეხვედრაზე ისაუბრეს ქართული სპორტის განვითარების პერსპექტივაზე, ქართველ სპორტსმენთა სამომავლო გეგმებსა და 2020 წლის ტოკიოს ოლიმპიურ თამაშებზე. 
ბაქოში გამართულ მსოფლიო ჩემპიონატზე საქართველოს ძიუდოისტთა ნაკრებმა 3 მედალი - 1 ოქრო, 1 ვერცხლი და 1 ბრინჯაო მოიპოვა და 124 ქვეყანას შორის მესამე ადგილზე გავიდა იაპონიისა და კორეის შემდეგ. გუნდურ ჩათვლაში კი საქართველოს ნაკრებმა მე-4 ადგილი დაიკავა. 
აღსანიშნავია, რომ 2014 წლის შემდგომ ძიუდოში მსოფლიო ჩემპიონის ტიტული საქართველომ წლევანდელ მსოფლიო ჩემპიონატზე, 4-წლიანი პაუზის შემდეგ მოიპოვა. 

2019 წლის მსოფლიო ჩემპიონატს ძიუდოში იაპონიის დედაქალაქი ტოკიო უმასპინძლებს. 

ავტორი: ,

სოციალური ქსელები

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა

ევროკავშირის საგარეო საქმეთა მინისტრები საქართველოში არსებულ ვითარებას განიხილავენ

საქართველოს ბანკის მხარდაჭერით საქართველოს ეკონომიკისა და მდგრადი განვითარების სამინისტრომ და ინოვაციებისა და ტექნოლოგიების სააგენტომ „თუმო ქუთაისი“ გაიხსნეს