საქართველოს პრეზიდენტის არჩევნების წინ პრეზიდენტობის კანდიდატები „ეთიკის პრინციპებზე“ შეთანხმდნენ.

„ეთიკის პრინციპების“ შესახებ პრეზენტაცია ცესკო-ს თავმჯდომარე თამარ ჟვანიამ და შვეიცარიის ელჩმა ლუკას ბეგლინგერმა გახსნეს.

თამარ ჟვანიას განცხადებით, დოკუმენტზე ხელმომწერი პირები თანხმდებიან, რომ საზოგადოების ინტერესებს დაიცავენ.

„დღეს ძალიან მნიშვნელოვანი დოკუმენტის პრეზენტაცია მოხდა საჯაროდ, მედიისა და საზოგადოების წინაშე. ეს გახლავთ „ეთიკის პრინციპების შეთანხმების დოკუმენტი“,  რომელიც გახლავთ ყველა საპრეზიდენტო კანდიდატთან შეთანხმებით შედგენილი. მინდა ავღნიშნო, რომ თითოეული კანდიდატი იყო ჩართული პროცესში და აცხადებენ თანხმობას ამ დოკუმენტების შემოერთების. ამ ეტაპზე პროცესი ღიაა, მიმდინარეობს ხელმოწერების პროცესი. 20-მდე კანდიდატმა მოაწერა ხელი და კიდევ ველოდებით, ყველა კანდიდატის ხელმოწერას, ვინაიდან ჩვენ წინასწარი თანხმობა და მხარდაჭერა მათი უკვე შინაარსთან და შეთანხმების დოკუმენტთან უკვე გვაქვს. საარჩევნო კულტურისა და პროცესების განვითარება არის ჩვენი ქვეყნისთვის ერთ-ერთი მნიშვნელოვანი ნაწილი, ძალადობაზე უარის თქმა, საზოგადოების ინტერესების დაცვა, მუქარისა და შანტაჟის გამოუყენებლობა, სიძულვილის ენის გამოუყენებლობა, ცხადია, ეს პირველყოვლისა არის ჩვენი ამომრჩევლების პატივისცემა. ჩვენ ველოდებით მაქსიმუმ ერთი კვირის განმავლობაში ყველა  საპრეზიდენტო კანდიდატის ხელმოწერა გვექნება“, - განაცხადა თამარ ჟვანიამ.

„ეთიკის პრინციპები“ საფუძვლად დაედება პრეზიდენტობის კანდიდატთა მიერ წარმოებულ საარჩევნო კამპანიას. დოკუმენტზე ხელმომწერები ასევე თანხმდებიან, რომ დაიცავენ საქართველოს კანონმდებლობას, საქმიანობას აწარმოებენ, ეთნიკური, რელიგიური, გენდერული თუ სხვა ნიშნით დისკრიმინაციის გარეშე; არ გამოიყენებენ სიძულვილის ენას, ქსენოფობიურ ან მუქარის შემცველ გამონათქვამებს; ხელს შეუწყობენ მშვიდობიან საარჩევნო გარემოს, ასევე, ხელს არ შეუშლიან კონკურენტების წინასაარჩევნო კამპანიის ღონისძიებებსა და სააგიტაციო მასალის გავრცელებას; განზრახ არ გაავრცელებენ ყალბ ინფორმაციას სხვა კანდიდატების შესახებ; არ გამოიყენებენ ადმინისტრაციულ რესურსებს.

შეთანხმების, პროცესს ცენტრალურმა საარჩევნო კომისიამ შვეიცარიის მთავრობის მხარდაჭერით გაუწია ფასილიტაცია. პრეზენტაციას, კანდიდატებთან და მათ წარმომადგენლებთან ერთად ასევე დაესწრნენ საერთაშორისო ორგანიზაციების წარმომადგენლები. 

(NS)

ავტორი: ,

სოციალური ქსელები

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა

ევროკავშირის საგარეო საქმეთა მინისტრები საქართველოში არსებულ ვითარებას განიხილავენ

საქართველოს ბანკის მხარდაჭერით საქართველოს ეკონომიკისა და მდგრადი განვითარების სამინისტრომ და ინოვაციებისა და ტექნოლოგიების სააგენტომ „თუმო ქუთაისი“ გაიხსნეს