სამშენებლო კომპანია „სვეტის“ დამფუძნებელ გივი ჯიბლაძეს და კომპანიის გენერალურ დირექტორ თორნიკე ჯანელიძეს აღკვეთის ღონისძიების სახით პატიმრობა შეეფარდათ.

დაცვის მხარე ბრალდებულებისთვის გირაოს შეფარდებას ითხოვდა, თუმცა მოსამართლემ ადვოკატების შუამდგომლობა არ დააკმაყოფილა და აღნიშნა, რომ არსებობს ბრალდებულის მხრიდან მიმალვის საფრთხე და საშიშროება, რომ მათ გამოძიებასთან არ ითანამშრომლონ.

ადვოკატები გადაწყვეტილების გაასაჩივრებას გეგმავენ.

"ამით შპს სვეტი, როგორც ბიზნესსუბიექტი დასრულდა და ეს იყოს სასამართლოს ნამუსზე", - განაცხადა ადვოკატმა ვალერი გელბახიანმა.

შეგახსენებთ, ფინანსთა სამინისტროს საგამოძიებო სამსახურის თანამშრომლებმა, სამშენებლო კომპანია ,,სვეტის“ ხელმძღვანელი პირები - გივი ჯიბლაძე და თორნიკე ჯანელიძე 3 ოქტომბერს დააკავეს.

საქმეზე გამოძიება სისხლის სამართლის კოდექსის 180-ე მუხლის მე-3 ნაწილით მიმდინარეობს (თაღლითობა, სამსახურებრივი მდგომარეობის გამოყენებით დიდი ოდენობით მართლსაწინააღმდეგო მისაკუთრების მიზნით სხვისი ნივთის დაუფლება მოტყუებით).

ავტორი: ,

სოციალური ქსელები

სენაკში შვილმა მამა დაჭრა

ბათუმში სატვირთო ავტომობილი ქვეითს დაეჯახა

ტრამპი: გავაუქმე დღეს საღამოს ირანის წინააღმდეგ დაგეგმილი ავიადარტყმები და დაბომბვები

გიორგი ტაბატაძე: გვქონდა შეხვედრა EU-ში, მოვისმინეთ მათი პოზიციები, მათ ჩვენი