ლილოში მდებარე გაფორმების ეკონომიკურ ზონასთან ხორბლის იმპორტიორთა პროტესტი გრძელდება.

ასობით იმპორტიორი ფინანსთა მინისტრის ივანე მაჭავარიანის ბრძანებას აპროტესტებს და მის გაუქმებას მოითხოვს.

საუბარია მინისტრის ბრძანებაზე, რომლის თანახმად 1 ოქტომბრიდან საქართველოში ავტოსატრანსპორტო საშუალებებით ხორბლის შემოტანა აიკრძალება და საქონლის შემოტანა/გატანა მხოლოდ სარკინიგზო და საზღვაო ტრანსპორტით იქნება შესაძლებელი. 

აღსანიშნავია, რომ იმპორტიორების მიერ მიცემული ბოლო ვადა ბრძანების გასაუქმებლად დღის ბოლომდე იწურება.

როგორც აქციის მონაწილეები აცხადებენ, თუ ბრძანება არ გაუქმდება, ისინი ფართომასშტაბიან აქციებს და ავტომაგისტრალების გადაკეტვას დაიწყებენ.

მანამდე განცხადება ფინანსთა სამინისტროს შემოსავლების სამსახურმა გაავრცელა. შემოსავლების სამსახურში აცხადებენ, რომ გეზ-ში ამ დრომდე სამუშაო პროცესი შეწყვეტილია.

„ამ დროისთვის გეზ-ში შეწყვეტილია გაფორმების პროცედურების წარმოება სრულად, მათ შორის, იმ იმპორტირებისთვისაც, ვისაც მალფუჭადი პროდუქტი (კვების პროდუქტი, მედიკამენტები, პირველადი მოხმარების საქონელი) შემოაქვს ქვეყანაში და საჭიროებს პროცედურების დადგენილ ვადებში გავლას. აქვე გაცნობებთ, რომ გეზი საქმიანობას 24/7 რეჟიმით ახორციელებს. ფინანსთა სამინისტროს შემოსავლების სამსახური კვლავაც მზად არის კონსტრუქციული დიალოგისთვის და მოუწოდებს ხორბლის იმპორტიორებს შექმნან საინიციატივო ჯგუფი მოლაპარაკების საწარმოებლად“, – აცხადებენ შემოსავლების სამსახურში.

ავტორი: ,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება