,,ერთიანი ნაციონალური მოძრაობის“ წევრი ნიკა მელია სასამართლომ სამართალდამღვევად  ცნო და 3 ათასი ლარით დააჯარიმა.

საქმე ეხება, 2018 წლის 11 ივნისს, რუსთაველის გამზირზე მიმდინარე საპროტესტო აქციის დროს საპატრულო პოლიციის მიერ ნიკა მელიას დაკავებას.

შინაგან საქმეთა სამინისტრო მელიას ადმინისტრაციული სამართალდარღვევათა კოდექსის 173-ე მუხლით პოლიციისადმი დაუმორჩილებლობას ედავებოდა.

,,2018 წლის 11 ივნისს რუსთაველის გამზირზე ჩადენილ სამართალდარღვევის ფაქტზე , რომელიც გამოიხატა პოლიციელის კანონიერი მოთხოვნისადმი დაუმორჩილებლობაში, შედგა სამართალდარღვევის ოქმი , რომელიც განსახილველად წარედგინა თბილისის საქალაქო სასამართლოს, საქმეზე წარდგენილი იყო საკმარისზე მეტი მტკიცებულება , რომელიც ადასტურებდა ნიკა მელიას  მიერ ჩადენილი სამართალდარღვევის ფაქტს.  სასამართლომ სწორი სამართლებრივი შეფასება მისცა აღნიშნულ მტკიცებულებებს და ის  სამართალდამრღვევად ცნო“, -  განაცხადა სხდომის დასრულების შემდეგ შინაგან საქმეთა სამინისტროს იურიდიული დეპარტამენტის სასამართლოებთან ურთიერთობის სამმართველოს უფროსმა ალეკო ნაჭყებიამ.

დღევანდელ სხდომაზე ის მოწმეები დაკითხეს, რომლებმაც დეტალურად აღწერეს რუსთაველზე განვითარებული მოვლენები და დაკავების პროცესი. მოწმეების თქმით, ნიკა მელია გზის გადაკეტვას ცდილობდა  და არ დაემორჩილა პოლიციის კანონიერ მოთხოვნას რომ მოძრაობა არ შეეფერხებინა. სხდომაზე ასევე წარდგენილი იყო სამართალდარღვევის ვიდეო-მტკიცებულებებიც.

ავტორი: ,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა