ბარსელონაში, „კანონიერი ქურდი“ გოჩა მაისურაძე დააკავეს, რომელმაც შაკირას და პიკეს სახლი გაძარცვა (ვიდეო)

2018-09-10 13:20:32, 6060 ნახვა

მსოფლიო

ბარსელონაში, სამართალდამცველებმა "კანონიერი ქურდი" გოჩა მაისურაძე, ზედმეტსახელად "გოგიტა" დააკავეს, - ამის შესახებ estrelladigital იუწყება.

მედია საშუალების ინფორმაციით, მაიზურაძეს კრიმინალური დაჯგუფების ხელმძღვანელობა ედება ბრალად.

სამართალდამცველების განცხადებით, "გოგიტა" თავის კრიმინალურ დაჯგუფებასთან ერთად ძვირადღირებულ სახლებს ძარცვავდა, რომელთა შორის ცნობილი მომღერლის შაკირას და კლუბ "ბარსელონას" ფეხბურთელის ჟერარ პიკეს სახლიცაა.

მედიის ცნობით, გოჩა მაისურაძის დასაკავებლად პოლიცია რამდენიმე თვის განმავლობაში სპეცოპერაციას ატარებდა.

გამოძიებამ დაადგინა, რომ მაისურაძე იმ დაჯგუფებებისგან, რომლებიც მის ტერიტორიაზე თვითნებურად მოქმედებდნენ, ნაქურდალის 50%-ს იღებდა. იმ შემთხვევაში თუ მათ "ნადავლის" გაყოფა არ სურდათ, "გოგიტა" სჯიდა.

პოლიციის თქმით, "კონინიერ ქურდი" ძირითადად იმ სახლების გაძარცვას ისახავდა მიზნად, სადაც გავლენიანი ადამიანები ცხოვრობდნენ, ასევე იმ სახლების, სადაც სეიფი იყო დამონტაჟებული.

როგორც გამოცემა წერს, "გოგიტასთან" ერთად კიდევ 8 ადამიანი დააკავეს.