ხორავას ქუჩაზე მოკლული მოზარდის, დავით სარალიძის მამა, ზაზა სარალიძე და პანკისის სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი რუსთაველის გამზირზე დღეს აქციას გამართავენ.

აქცია 18:00 საათზე, პარლამენტის შენობასთან არის დაგეგმილი.

ზაზა სარალიძე და მალხაზ მაჩალიკაშვილი აცხადებენ, რომ მათი შვილების მკვლელობის საქმეები ისევ გამოუძიებელია და ხელისუფლება რეალურ დამნაშავეებს ხელს აფარებს.

„დაანონსებული გვაქვს აქცია, მოვუწოდებ საქართველოს მოსახლეობას, რომ ყველა ერთად უნდა გავერთიანდეთ უსამართლობის წინააღმდეგ, რათა ერთხელ და სამუდამოდ დავანგრიოთ შერჩევითი სამართალი, ჩვენ არ ვართ მხოლოდ და მხოლოდ შვილმოკლული მშობლები. ჩვენ ვართ უკვე სისტემის მსხვერპლი“, - განაცხადა ზაზა სარალიძემ.

„აქციები გაგრძელდება მანამ სანამ არ დაკმაყოფილდება ჩემი ყველა ის მოთხოვნა და ზაზა სარალიძის მოთხოვნა. მაშინ იქნება დამაკმაყოფილებელი ის ყველაფერი, როდესაც დაისჯება ბატონი გომელაური, გოგაშვილი და ის სპეცრაზმელი. უნდა ჩატარდეს გამოძიება და უნდა გამოირიცხოს, რომ მე და თემირლანი არ ვართ ამ ტერორიზმში გარეული“, -აცხადებს მალხაზ მაჩალიკაშვილი.

ავტორი: ,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება