კრწანისის საოლქო საარჩევნო კომისიის თავმჯდომარე დავით ფეტვიაშვილს უფლებამოსილება ვადამდე შეუწყდა.

ფეტვიაშვილის საქმეზე ცესკო-მ დღევანდელ სხდომაზე იმსჯელა. 

ცენტრალური საარჩევნო კომისიის სპიკერის, ანა მიქელაძის განმარტებით,  შიდა აუდიტის სამსახური ფაქტის შესწავლას განაგრძობს, ხოლო ფეტიაშვილისთვის უფლებამოსილების ვადამდე შეწყვეტის შესახებ გადწყვეტილება  ცეესკომ კოლეგიალურად მიიღო.

 „ცენტრალურმა საარჩევნო კომისიამ, როგორ გითხარით, კრწანისის საარჩევნო კომისიის თავჯდომარეს შეუწყვიტა უფლებამოსილება. იმ შემთხვევაში თუკი ფაქტის შესწავლის შემდეგ დადგინდება, რომ არსებობდა დარღვევა, შესაბამისი კომპეტენციის ფარგლებში გადაეგზავნება ეს ინფორმაცია შესაბამისს უწყებებს. საოლქო საარჩევნო კომისიის თავჯდომარეს შეეძლო ეს  განცხადება წარმოედგინა ცეესკოს თავჯდომარისათვის, რომელმაც ეს განცხადება გამოიტანა კომისიის სხდომაზე, შესაბამისად, გადაწყვეტილება ერთპიროვნულად არ მიუღია ცეესკომ თავჯდომარეს და გადაწყვეტილება უფლებამოსილების ვადამდე შეწყვეტის შესახებ მიიღო ცეესკომ კოლეგიალურად“, - განახცადა ანა მიქელაძემ.

შეგახსენებთ, რომ  კრწანისის საოლქო საარჩევნო კომისიის თავმჯდომარემ, დავით ფეტვიაშვილმა გადადგომის თაობაზე ცენტრალური საარჩევნო კომისიის თავმჯდომარე 27 აგვისტოს მიმართა. ამ დღეს გაერთიანებამ „ძალა ერთობაშიამ" ვიდეომასალა გაავრცელა, რომლის თანახმად, „ქართული ოცნების" საარჩევნო შტაბი საარჩევნო ადმინისტრაციებს აკომპლექტებს. ლევან ბეჟაშვილის განცხადებით, ჩანაწერებში ჩანს, რომ კრწანისის საოლქო საარჩევნო კომისიის თავმჯდომარე პირდაპირ კონტაქტზეა „ქართული ოცნების“ საარჩევნო შტაბის კრწანისის კომისიის კურატორთან. როგორც ბეჟაშვილმა აღნიშნა, ასეთ პირობებში არჩევნების ჩატარება ლეგიტიმაციას მოკლებულია.

ავტორი: ,

სოციალური ქსელები

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ